തിരുവനന്തപുരം: മദ്യനയം സംബന്ധിച്ച് എല്‍.ഡി.എഫ് കൂട്ടായി തീരുമാനമെടുക്കുമെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍. മദ്യനയം തീരുമാനിക്കാനുള്ള സ്വാതന്ത്ര്യം എല്‍.ഡി.എഫിന് വിട്ടുനല്‍കണമെന്നും മാധ്യമങ്ങള്‍ കവര്‍ന്നെടുക്കരുതെന്നും അദ്ദേഹം പറഞ്ഞു.
അതിരപ്പള്ളി ജലവൈദ്യുത പദ്ധതി നടപ്പാക്കുന്നതിന് മുമ്പ് അഭിപ്രായ സമന്വയമുണ്ടാക്കും. ഇക്കാര്യം എല്‍.ഡി.എഫ് ഇതുവരെ ചര്‍ച്ച ചെയ്തിട്ടില്ല. പദ്ധതി നടപ്പാക്കുമെന്ന് വൈദ്യുതി മന്ത്രി പറഞ്ഞത് വകുപ്പിന്റെ നിലപാടാണ്. സി.പി.ഐക്ക് ഇക്കാര്യത്തില്‍ നേരത്തെ തന്നെ എതിര്‍പ്പുള്ളതാണെന്നും ഇക്കാര്യം എല്‍.ഡി.എഫില്‍ സമയമാകുമ്പോള്‍ ചര്‍ച്ചക്ക് വരുമെന്നും കോടിയേരി ബാലകൃഷ്ണന്‍ കൂട്ടിച്ചേര്‍ത്തു.