ബംഗളൂരു: ചരിത്രത്തില്‍ ആദ്യമായി ദേശീയ ലീഗ് കിരീടം കേരളത്തിലെത്തി. കഴിഞ്ഞ ദിവസം നടന്ന ഇന്ത്യന്‍ വനിതാ ഫുട്‌ബോള്‍ ലീഗില്‍  ക്രിപ്‌സ എഫ്.സിയെ പരാജയപ്പെടുത്തി ഗോകുലം കേരള എഫ്.സിയുടെ വനിതാ ടീമാണ് ചരിത്ര നേട്ടം സ്വന്തമാക്കിയത്. കഴിഞ്ഞ തവണ സെമിയില്‍ അവസാനിച്ച കിരീട സ്വപ്നം ഇത്തവണ ഗോകുലം പൂവണിയിക്കുകയായിരുന്നു. ആവേശകരമായ മത്സരത്തില്‍ 3-2 എന്ന സ്‌കോറിനായിരുന്നു ഗോകുലത്തിന്റെ ജയം. 

ടൂര്‍ണമെന്റില്‍ കളിച്ച എല്ലാ മത്സരങ്ങളും വിജയിച്ച് ഫൈനലില്‍ എത്തിയ ക്രിപ്‌സയ്ക്ക് പക്ഷെ ഗോകുലത്തിന്റെ മുന്നില്‍ എല്ലാം പിഴക്കുകയായിരുന്നു. മത്സരത്തിന്റെ ആദ്യ മിനുട്ടില്‍ തന്നെ ക്രിപ്‌സയുടെ പേരുകേട്ട പ്രതിരോധത്തിന്റെ തന്ത്രങ്ങള്‍ പാളി. 

ഒന്നാം മിനുട്ടില്‍ പരമേശ്വരിയിലൂടെ ഗോകുലം ലീഡ് എടുത്തു. തുടരെ ആക്രമണം നടത്തിയ ഗോകുലം 27ാം മിനുട്ടില്‍ രണ്ട@ാം ഗോള്‍ നേടി. കമലാദേവിയുടെ ഫ്രീകിക്കിലൂടെ ആയിരുന്നു രണ്ട@ാം ഗോള്‍ പിറന്നത്. 

എന്നാല്‍ ആദ്യ പകുതി അവസാനിക്കും മുമ്പ് ഒരു ഗോള്‍ മടക്കാന്‍ ക്രിപ്‌സയ്ക്ക് ആയി. ഇതോടെ ക്രിപ്‌സക്ക് ജീവശ്വാസം തിരിച്ച് കിട്ടി. 

ഒരു കോര്‍ണറില്‍ നിന്ന് ഗ്രേസ് ആണ് ക്രിപ്‌സയ്ക്ക് പ്രതീക്ഷ നല്‍കിയത്. രണ്ട@ാം പകുതിയില്‍ സമനില ഗോളിനായി ക്രിപ്‌സ പൊരുതിക്കളിച്ചതിന് ഫലമുണ്ടായി. 

കളിയുടെ 70ാം മിനുട്ടില്‍ മൂന്നാം ഗോള്‍ നേടാന്‍ ഗോകുലത്തിന് മികച്ച അവസരം ലഭിച്ചുവെങ്കിലും സബിത്രയുടെ ഷോട്ട് മികച്ച സേവിലൂടെ ലിങ്തംഗാമ്പി ദേവി തട്ടിയകറ്റി. 

പിന്നാലെ രത്‌നാ ബാല ദേവിയിലൂടെ ക്രിപ്‌സ രണ്ട@ാം ഗോള്‍ നേടിയതോടെ മത്സരം സമനിലയിലായി. 10 മിനുട്ട് കൂടി ബാക്കി നില്‍ക്കെ ഇരുടീമുകളുടേയും നെഞ്ചിടിപ്പ് വര്‍ധിച്ചു. കളിയുടെ 86ാം മിനുട്ടില്‍ ക്രിപ്‌സയുടെ ഹൃദയം തകര്‍ത്ത് സബിത്രയിലൂടെ ഗോകുലം കേരള എഫ് സി വിജയ ഗോള്‍ നേടി. അവസാനം വരെ ഒരിക്കല്‍ കൂടെ സമനില നേടാന്‍ ആയി ക്രിപ്‌സ ശ്രമിച്ചെങ്കിലും ഗോകുലം പ്രതിരോധം ശക്തമായി പ്രതിരോധിച്ചു.

ദേശീയ ലീഗ് കിരീടം കേരളത്തിലേക്ക് എത്തിക്കുന്ന ആദ്യ ടീമായി ഈ വിജയത്തോടെ ഗോകുലം വനിതകള്‍ മാറി. ഇതുവരെ ഒരു കേരള ക്ലബിന്റെയും പുരുഷ സീനിയര്‍ ടീമിനോ വനിതാ സീനിയര്‍ ടീമിനോ ദേശീയ ലീഗ് കിരീടം നേടാന്‍ കഴിഞ്ഞിട്ടില്ല. ആ നീ@ണ്ട കാത്തിരിപ്പിനാണ് ഗോകുലം വനിതകള്‍ അവസാനം കുറിച്ചത്.

സെമി ഫൈനലില്‍ മുന്‍ ചാംപ്യന്മാരായ സേതു എഫ്‌സിയെ തോല്‍പ്പിച്ചായിരുന്നു ഗോകുലം കേരള ഫൈനലിലേക്ക് എത്തിയത്. ടൂര്‍ണമെന്റില്‍ ഉടനീളം ആധിപത്യം പുലര്‍ത്തിയാണ് ഗോകുലം ഫൈനല്‍ വരെ എത്തിയത്. 

കളിച്ച എല്ലാ മത്സരവും ഗോകുലം വിജയിച്ചു. ഇന്നത്തെ വിജയ ഗോള്‍ ഉള്‍പ്പെടെ 18 ഗോളുകള്‍ അടിച്ച് ടൂര്‍ണമെന്റില്‍ ടോപ്പ് സ്‌കോറര്‍ ആയ നേപ്പാള്‍ താരം സുബ്രതോയാണ് ടൂര്‍ണമെന്റില്‍ ഗോകുലത്തിന്റെ അഭിമാന താരമായി മാറിയത്.