പൂന: ഡല്‍ഹി മുഖ്യമന്ത്രി അരവിന്ദ് കെജ്‌രിവാളിനെ ഭീകരനെന്നു വിളിച്ചിട്ടില്ലെന്നു കേന്ദ്രമന്ത്രി പ്രകാശ് ജാവദേക്കര്‍. പൂനയില്‍ ഒരു ചടങ്ങില്‍ സംസാരിക്കവെയായിരുന്നു കേന്ദ്ര വനംപരിസ്ഥിതി മന്ത്രിയുടെ പ്രതികരണം.

താന്‍ ഒരിക്കലും കെജരിവാളിനെ ഭീകരന്‍ എന്നു വിളിച്ചിട്ടില്ല. ഡല്‍ഹി നിയമസഭാ തെരഞ്ഞെടുപ്പില്‍ കോണ്‍ഗ്രസ് പരാജയപ്പെട്ടു എന്നതാണ് പ്രധാന കാര്യം- മന്ത്രി പറഞ്ഞു.

'അരവിന്ദ് കെജ്‌രിവാളിനെ നിരാകരിക്കാന്‍ ഡല്‍ഹിക്കാര്‍ക്ക് ഒരു കാരണമുണ്ട്.നിഷ്‌കളങ്ക മുഖവുമായി കെജരിവാള്‍ താന്‍ ഭീകരനാണോ എന്നു ജനങ്ങളോടു ചോദിക്കുന്നു. അതേ നിങ്ങള്‍ ഭീകരനാണ്. ധാരാളം തെളിവുകളുണ്ട്. താന്‍ ഒരു അരാജവാദിയാണെന്നു നിങ്ങള്‍ തന്നെ പറഞ്ഞിട്ടുണ്ട്. അരാജകവാദിയും ഭീകരനും തമ്മില്‍ വ്യത്യാസങ്ങളില്ല എന്നാണ് ജാവദേക്കര്‍ ഡല്‍ഹി തെരഞ്ഞെടുപ്പ് പ്രചാരണവുമായി ബന്ധപ്പെട്ട് പറഞ്ഞത്.