ചണ്ഡിഗര്‍: പഞ്ചാബിലെ സംഗ്രൂര്‍ ജില്ലയില്‍ സ്‌കൂള്‍ വാനിന് തീപിടിച്ച് നാല് വിദ്യാര്‍ഥികള്‍ മരിച്ചു. എട്ട് വിദ്യാര്‍ഥികള്‍ രക്ഷപ്പെട്ടു. ലോംഗോവാള്‍-സിഡ്‌സമചാര്‍ റോഡിലാണ് ്അപകടം നടന്നത്. വാനില്‍ 12 കുട്ടികളാണുണ്ടായിരുന്നത് എട്ട് വിദ്യാര്‍ഥികളെ സമീപത്തെ പാടത്ത് ജോലി ചെയ്തുകൊണ്ടിരിക്കുകയായിരുന്ന കര്‍ഷകര്‍ ഓടിയെത്തി രക്ഷപ്പെടുത്തുകയായിരുന്നു.

വിദ്യാര്‍ഥികള്‍ സ്‌കൂളില്‍ നിന്നും മടങ്ങുമ്പോഴാണ് അപകടം നടന്നത്. തീപടര്‍ന്നതിനെ തുടര്‍ന്ന് ഡ്രൈവര്‍ പുറത്തിറങ്ങി വാനിന്റെ ഡോര്‍ തുറക്കാന്‍ ശ്രമിച്ചെങ്കിലും സാധിച്ചില്ല. അതേസമയം മുഖ്യമന്ത്രി അമരീന്ദര്‍ സിങ് സംഭവത്തില്‍ മജിസ്റ്റീരിയല്‍തല അന്വേഷണം പ്രഖ്യാപിച്ചിട്ടുണ്ട്. സംഭവത്തില്‍ കുറ്റക്കാര്‍ക്കെതിരേ ഉചിതമായ നടപടി സ്വീകരിക്കുമെന്നും അദ്ദേഹം ട്വിറ്ററില്‍ സൂചിപ്പിച്ചു.