കോഴിക്കോട് റെയില്‍വേസ്‌റ്റേഷനു മുന്നില്‍ ഗതാഗത തടസം സൃഷ്ടിച്ച് നിര്‍ത്തിയിട്ട ബസ്സുകള്‍
കോഴിക്കോട്: ബസ്സുകള്‍ തലങ്ങും വിലങ്ങും നിര്‍ത്തുന്നതിനാല്‍ റെയില്‍വേ സ്‌റ്റേഷനു മുന്നില്‍ ഗതാഗത തടസം പതിവാകുന്നു. ട്രെയിന്‍ വരുന്ന സമയത്താണ് പലപ്പോഴും മൂന്നും നാലും സിറ്റി ബസ്സുകള്‍ ഒന്നിച്ചെത്തി റോഡില്‍ തലങ്ങും വിലങ്ങും നിര്‍ത്തി യാത്രക്കാര്‍ക്കും മറ്റു വാഹനങ്ങള്‍ക്കും പ്രയാസം സൃഷ്ടിക്കുന്നത്. മറ്റു വാഹനങ്ങള്‍ക്ക് കടന്നുപോകാനോ, വഴിയാത്രക്കാര്‍ക്ക് റോഡ് മുറിച്ചു കടക്കാനോ പറ്റാത്ത സ്ഥിതിയാണ് ഉണ്ടാവുന്നത്. പലപ്പോഴും സീബ്രാലൈനില്‍ പോലും ബസ്സുകള്‍ കയറ്റി ഇട്ടാണ് ആളുകളെ എടുക്കുന്നത്.
റയില്‍വേ സ്‌റ്റേഷനില്‍ നിന്നു ആളുകള്‍ ഒന്നിച്ചെത്തുകയും റോഡ് മുഴുവന്‍ ബ്ലോക്കാവുകയും ചെയ്യുന്ന സ്ഥിതിയാണ്. പലപ്പോഴും തിരക്ക് നിയന്ത്രിക്കാനും ബസ്സുകളെ നിയന്ത്രിക്കാനും ഉത്തരവാദപ്പെട്ട ട്രാഫിക് പൊലിസുകാര്‍ സ്ഥലത്തുണ്ടാവാറില്ല.