അമ്പലപ്പുഴ: ബൈക്കുകള്‍ കൂട്ടിയിടിച്ചതിനെ തുടര്‍ന്ന് ബൈക്ക് യാത്രക്കാരന്‍ ഓടികൊണ്ടിരുന്ന
കാറിന് മുകളില്‍ വീണ് ഗുരുതരമായി പരുക്കേറ്റു. അമ്പലപ്പുഴ വടക്ക് പഞ്ചായത്ത് കഞ്ഞി പാടം പൂത്തന്‍ പള്ളി വീട്ടീല്‍ പുരുഷോത്തമന്റെ മകന്‍ നന്ദുവി(21) നെയാണ് വണ്ടാനം മെഡിക്കല്‍ കോളജ് ആശുപത്രിയില്‍പ്രവേശിപ്പിച്ചത്.ഇന്നലെ രാത്രിയോടെ ദേശീയ പാതയില്‍ വണ്ടാനം പോസ്റ്റ് ഓഫിസിന് സമീപം വച്ചായിരുന്നു അപകടം നന്ദു സഞ്ചരിച്ചിരുന്ന ബൈക്കില്‍ മറ്റൊരു ബൈക്ക് ഇടിക്കുകയും തുടര്‍ന്ന് നന്ദു സഞ്ചരിച്ചിരുന്ന ബൈക്ക് ഇത് വഴി പോയ കാറില്‍ ഇടിക്കുകയും പിന്നീട് ബൈക്കില്‍നിന്ന് തെറിച്ച് പോയ നന്ദു കാറിന് മുകളില്‍ വീഴുകയായിരുന്നു. ഇടിയുടെ അഘാതത്തില്‍ ബൈക്കിന്റെ മുന്‍ ഭാഗവും കാറിന്റെ മുന്‍ ഭാഗത്തെ ചില്ലും പൂര്‍ണമായി തകര്‍ന്നു. പുന്നപ്ര പൊലിസ് മേല്‍നടപടികള്‍ സ്വീകരിച്ചു.