കോഴിക്കോട്: ഓറിയന്റല്‍ ഫിലിം സൊസൈറ്റി സംഘടിപ്പിക്കുന്ന ത്രിദിന  ഹ്രസ്വ  ചലച്ചിത്രമേളയുടെ ഉദ്ഘാടനം  അഞ്ജലി അമീര്‍ നിര്‍വഹിച്ചു. ഓറിയന്റല്‍ ഗ്രൂപ്പ് ചെയര്‍മാന്‍ എന്‍.കെ മുഹമ്മദ്  അധ്യക്ഷനായി. പ്രസ്‌ക്ലബ് പ്രസിഡന്റ് കമാല്‍ വരദൂര്‍ ആമുഖപ്രഭാഷണം നടത്തി.  ഓറിയന്റല്‍ ഫിലിം ഇന്‍സ്റ്റിറ്റ്യൂട്ട് ഡയറക്ടര്‍ സുരേഷ് അച്ചൂസ്, പ്രസ്‌ക്ലബ്  ഇന്‍സ്റ്റിറ്റ്യൂട്ട് ഡയറക്ടര്‍ ഇ.വി ബാലകൃഷ്ണന്‍, ഓറിയന്റല്‍ ഫിലിം സൊസൈറ്റി  പ്രസിഡന്റ് ഷാഹിന കെ. റഫീഖ്, ഫിലിം സൊസൈറ്റി ജോ. സെക്രട്ടറി ബൈജു  മേരിക്കുന്ന്, ഫിലിം ഫെസ്റ്റ് കോര്‍ഡിനേറ്റര്‍ നാജില്‍ ഹമീദ് സംസാരിച്ചു. രാവിലെ  പത്തുമണിക്ക് ദ്വന്ദ ഹ്രസ്വസിനിമയുടെ പ്രദര്‍ശനത്തോടെ  ഫെസ്റ്റിവല്‍  ആരംഭിച്ചു. വൈകുന്നേരം മികച്ച വിദേശ ഭാഷാചിത്രത്തിനുള്ള ഓസ്‌കര്‍  നേടിയ അസ്ഗര്‍ ഫര്‍ഹാദിയുടെ ഇറാന്‍ ചിത്രം ദി സെയില്‍സ്മാന്‍ പ്രദര്‍ശിപ്പിച്ചു.  2016 ല്‍ കാന്‍ ചലച്ചിത്രമേളയില്‍ പാം ദി ഓര്‍ ലഭിച്ച കെന്‍ ലോച്ചിന്റെ ബ്രിട്ടീഷ്  ചിത്രം ഐ. ഡാനിയല്‍ ബ്ലോക്ക് പ്രദര്‍ശിപ്പിക്കും ഫോണ്‍: 9048409048.