ഈസ്റ്റേണ്‍ റെയില്‍വേയുടെ കീഴിലുള്ള വിവിധ വര്‍ക്ക്‌ഷോപ്പ്,ഡിവിഷനുകളില്‍ അപ്രന്റിസ് അവസരം. 2792 ഒഴിവുകളുണ്ട്. മാര്‍ച്ച് 13 വരെ ഓണ്‍ലൈനായി അപേക്ഷിക്കാം.
ഫിറ്റര്‍, വെല്‍ഡര്‍, ടര്‍ണര്‍, മെക്ക് (എംവി), മെക്ക് (ഡീസല്‍), ബ്ലാക്ക്‌സ്മിത്ത്, മെഷിനിസ്റ്റ്, കാര്‍പെന്റര്‍, പെയിന്റര്‍, ലൈന്‍മാന്‍ (ജനറല്‍), വയര്‍മാന്‍, റഫ്രിജറേഷന്‍ ആന്‍ഡ് എസി മെക്കാനിക്ക്, ഇലക്ട്രീഷ്യന്‍, മെക്കാനിക്ക് മെഷീന്‍ ടൂള്‍ മെയിന്റനന്‍സ്, ഇലക്ട്രോണിക്‌സ് മെക്കാനിക്, വെല്‍ഡര്‍ (ജി ആന്‍ഡ് ഇ), പെയിന്റര്‍ ജനറല്‍ ട്രേഡുകളിലാണ് ഒഴിവ്.കുറഞ്ഞതു മൊത്തം 50 ശതമാനം മാര്‍ക്കോടെ പത്താം ക്ലാസ് ജയം തത്തുല്യം, ബന്ധപ്പെട്ട ട്രേഡില്‍ നാഷനല്‍ ട്രേഡ് സര്‍ട്ടിഫിക്കറ്റ് (എന്‍.സി.വി.ടിഎസ്.സി.വി.ടി)ആണ് വിദ്യാഭ്യാസ യോഗ്യത.
വെല്‍ഡര്‍ (ഗ്യാസ് ആന്‍ഡ് ഇലക്ട്രിക്), ഷീറ്റ് മെറ്റല്‍ വര്‍ക്കര്‍, ലൈന്‍മാന്‍, വയര്‍മാന്‍, കാര്‍പെന്റര്‍, പെയിന്റര്‍ (ജനറല്‍) എന്നീ ട്രേഡുകളിലേക്ക് കുറഞ്ഞത് എട്ടാം ക്ലാസ് ജയം, ബന്ധപ്പെട്ട ട്രേഡില്‍ നാഷനല്‍ ട്രേഡ് സര്‍ട്ടിഫിക്കറ്റ് (എന്‍.സി.വി.ടിഎസ്.സി.വി.ടി). 15 നും 24 നും ഇടയ്ക്കായിരിക്കണം അപേക്ഷകന്റെ പ്രായം.100 രൂപയാണ് അപേക്ഷാഫീസ്. ഓണ്‍ലൈനായി ഫീസടയ്ക്കാം. പട്ടികവിഭാഗം, ഭിന്നശേഷിക്കാര്‍, സ്ത്രീകള്‍ എന്നിവര്‍ക്ക് ഫീസില്ല. വിജ്ഞാപനത്തിനും ഓണ്‍ലൈന്‍ അപേക്ഷയ്ക്കും www.rrcer.com

എന്ന വെബ്‌സൈറ്റ്‌സന്ദര്‍ശിക്കുക.