ന്യൂഡല്‍ഹി: ഉത്തര്‍പ്രദേശിലെ രൂക്ഷമായ തൊഴിലില്ലായ്മ പ്രതിസന്ധിയില്‍ മുഖ്യമന്ത്രി യോഗി ആദിത്യനാഥിനെ പരിഹസിച്ച് കോണ്‍ഗ്രസ് നേതാവ് ശശിതരൂര്‍.

കഴിഞ്ഞ രണ്ടു വര്‍ഷത്തിനിടെ തൊഴില്‍രഹിതരുടെ എണ്ണത്തില്‍ സംസ്ഥാനത്ത് 12.5 ലക്ഷത്തിലേറെ വര്‍ധനവ് ഉണ്ടായെന്ന് ഉത്തര്‍പ്രദേശ് സമ്മതിച്ചതിനു പിന്നാലെയാണ് ശശി തരൂര്‍ രംഗത്തെത്തിയത്.

' രണ്ട്‌വര്‍ഷത്തിനിടെ തൊഴില്‍രഹിതരുടെ എണ്ണത്തില്‍ 12.5ലക്ഷത്തിന്റെ വര്‍ദ്ധനവ് ഉണ്ടായതായി ഉത്തര്‍പ്രദേശ് സര്‍ക്കാര്‍ സമ്മതിച്ചു. യു.പി എന്നു പറയുന്നത് 'അണ്‍എംപ്ലോയിഡ് പീപ്പിള്‍ ' എന്നതിന്റെ ചുരക്കമാണെന്നാണ് ഞാന്‍ ഊഹിക്കുന്നത്. രാഷ്ട്രീയ ദുരുപയോഗത്തിന്റെ മാനുഷിക പ്രത്യാഘാതങ്ങള്‍' അദ്ദേഹം ട്വിറ്ററില്‍ കുറിച്ചു.

കഴിഞ്ഞ ദിവസം നിയമസഭയിലാണ് തൊഴില്‍രഹിതരെ സംബന്ധിച്ച വിവരം നല്‍കിയത്. കഴിഞ്ഞ രണ്ടു വര്‍ഷത്തിനിടെ തൊഴില്‍രഹിതരുടെ എണ്ണത്തില്‍ സംസ്ഥാനത്ത് 12.5 ലക്ഷത്തിലേറെ വര്‍ധനവ് ഉണ്ടായെന്നും ഇപ്പോള്‍ 34ലക്ഷം തൊഴില്‍ രഹിതരുണ്ടെന്നുമായിരുന്നു മന്ത്രി സഭയെ അറിയിച്ചത്.