തിരൂര്‍: തെരുവുനായയുടെ ആക്രമണത്തില്‍ മംഗലം സ്വദേശിയായ മധ്യവയസ്‌കനു ഗുരുതര പരുക്കേറ്റു. മംഗലം പുല്ലൂണി കടവത്ത് പറമ്പില്‍ സുബ്രഹ്മണ്യനെയാണ് തെരുവുനായ അക്രമിച്ചത്. മംഗലം പുല്ലുണിയില്‍ ഇന്നലെ ഉച്ചയോടെയാണ് സംഭവം.
വീട്ടു വരാന്തയില്‍ ഇരിക്കുകയായിരുന്ന സുബ്രഹ്മണ്യനെ നായ ഓടിയെത്തി കടിക്കുയായിരുന്നു. തലയ്ക്കും കൈക്കുമാണ് കടിയേറ്റത്. ഗുരുതരമായി പരുക്കേറ്റ ഇദ്ദേഹത്തെ തിരൂര്‍ ജില്ലാ ആശുപത്രിയില്‍ പ്രവേശിപ്പിച്ചു. സുബ്രഹ്മണ്യന്റെ നിലവിളികേട്ട് സമീപവാസികള്‍ ഓടിയെത്തിയപ്പോഴെക്കും നായ രക്ഷപ്പെട്ടു. പ്രദേശത്ത് തെരുവുനായ ശല്യം രൂക്ഷമാണ്.