തിരൂര്‍: വിലപ്പിടിപ്പുളള വസ്തുക്കളടങ്ങിയ ബാഗ് തിരിച്ചേല്‍പ്പിച്ച് തിരൂരിലെ വ്യാപാരി മാതൃകയായി. 80,000 രൂപ, വിസ, പാസ്‌പോര്‍ട്ട്, പാസ്ബുക്ക് എന്നിവ അടങ്ങിയ ബാഗ് ഉടമസ്ഥന് തിരിച്ചുനല്‍കിയാണ് കച്ചവടക്കാരനായ സൈതലവി സുമനസ് കാണിച്ചത്.
തിരൂരിലെ വഴിയോര കച്ചവടക്കാരനായ സൈതലവിക്ക് ബുധനാഴ്ചയാണ് മാര്‍ക്കറ്റ് റോഡില്‍ നിന്നും ബാഗ് കളഞ്ഞുകിട്ടിയത്. സൈതലവി ഉടമസ്ഥനെ കണ്ടെത്തി ബാഗ് തിരിച്ചേല്‍പ്പിക്കുകയായിരുന്നു. തുവ്വക്കാട് ആണ്ടിപ്പടിയിലെ മാമ്പറ്റ ഹനീഫയുടേതായിരുന്നു ബാഗ്.