തിരൂര്‍: ഒന്നേക്കാല്‍ കിലോ കഞ്ചാവുമായി വിതരണക്കാരനെ എക്‌സൈസ് സംഘം അറസ്റ്റ് ചെയ്തു. ചെറിയമുണ്ടം വാണിയന്നൂര്‍ കുന്നത്ത് പറമ്പില്‍ അയമു (64) വിനെയാണ് എക്‌സൈസ് ഇന്‍സ്‌പെക്ടര്‍ പി.കെ സതീഷിന്റ നേതൃത്വത്തില്‍ അറസ്റ്റ് ചെയ്തത്. ജില്ലയിലെ കഞ്ചാവ് മൊത്ത വിതരണ സംഘത്തിലെ പ്രധാന കണ്ണിയായ പ്രതി കുറച്ചുനാളായി നിരീക്ഷണത്തിലായിരുന്നു. രഹസ്യവിവരത്തെ തുടര്‍ന്നു പനമ്പാലത്തുവച്ചാണ് പ്രതിയെ പിടികൂടിയത്. പ്രതിയുടെ കൈയില്‍നിന്ന് ഒന്നേക്കാല്‍ കിലോ കഞ്ചാവും പിടികൂടി. അറസ്റ്റിന് അസി. ഇന്‍സ്‌പെക്ടര്‍ കെ. രാജു,  പ്രിവന്റീവ് ഓഫിസര്‍ പി. രവീന്ദ്രനാഥ്, സിവില്‍ ഓഫിസര്‍മാരായ കെ.പി പ്രദീപ് കുമാര്‍, പി. ദിലീപ്, പി. അജിത്കുമാര്‍, ബി. സനല്‍കുമാര്‍, കെ. ഷാജി, വനിതാ സിവില്‍ ഓഫിസര്‍ എം. ശ്രീജ നേതൃത്വം നല്‍കി.