ഹൈടെക് ഡയറി ഫാം ആരംഭിക്കുന്നു
കയ്പമംഗലം: കയ്പമംഗലത്ത് പ്രവാസികളുടെ കൂട്ടായ്മയായ കാപ്കോളിന്റെ നേതൃത്വത്തില് ഹൈടെക് ഡയറി ഫാം ആരംഭിക്കുന്നു. നിര്മാണോദ്ഘാടനം ഇന്ന് ആരംഭിക്കും.
കയ്പമംഗലം ചളിങ്ങാടാണ് അഞ്ച് ഏക്കര് സ്ഥലത്ത് ഫാം ആരംഭിക്കുന്നത്. ശുദ്ധമായ പാലും പാലുല്പ്പന്നങ്ങളും വിപണിയില് എത്തിക്കുക എന്നതാണ് കമ്പനിയുടെ ലക്ഷ്യം. ഇതിനായി അത്യുല്പ്പാദന ശേഷിയുള്ള അഞ്ഞൂറ് പശുക്കളെ വളര്ത്തുന്നതിനായി അത്യാധുനിക രീതിയിലുള്ള ഫാമാണ് ആരംഭിക്കുന്നത്. രാവിലെ 10ന് കൃഷി വകുപ്പ് മന്ത്രി വി.എസ് സുനില് കുമാര് ഫാമിന്റെ ശിലാസ്ഥാപനം നിര്വഹിക്കും. ഇ.ടി ടൈസന് മാസ്റ്റര് എം.എല്.എ അധ്യക്ഷനാവും. മുന് എം.എല്.എ ടി.എന് പ്രതാപന് ഷെയര് സര്ട്ടിഫിക്കറ്റ് വിതരണോദ്ഘാടനം നിര്വഹിക്കും. തൃതല പഞ്ചായത്തംഗങ്ങളും വിവിധ രാഷ്ട്രീയ കക്ഷി നേതാക്കളും ചടങ്ങില് പങ്കെടുക്കും. കാപ്കോള് ഭാരവാഹികളായ പി.ബി മൂസ ഹാജി, കെ.എം സൈഫുദ്ദീന്, പി.എച്ച് ഷംസുദ്ദീന്, പി.കെ അബ്ദുല് നാസര്, പി.എം സാദത്ത്, ജെയിംസ് മാത്യൂ എന്നിവര് വാര്ത്താസമ്മേളനത്തില് പങ്കെടുത്തു.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."