പട്ടഞ്ചേരി: നെല്‍പാടങ്ങളില്‍ പുഴുശല്യം വ്യാപകമാകുന്നു. കീടനാശിനി തഴിച്ചും പോകുന്നില്ലെന്ന് കര്‍ഷകര്‍ പറയുന്നു. പട്ടഞ്ചേരി, വടവന്നൂര്‍, പെരുവെമ്പ് എന്നീ പഞ്ചായത്തുകളിലാണ് രണ്ടരമാസം പ്രായമായ നെല്‍ചെടികളില്‍ വ്യാപകമായ തോതില്‍ പുഴുക്കളുടെ ശല്യം വര്‍ധിച്ചിട്ടുള്ളത്.
മഞ്ഞളിപ്പ് രോഗം ബാധിച്ച പാടശേഖരങ്ങളില്‍ കീടനാശിനി തളിച്ചതിനുശേഷണാണ് കീടബാധയുണ്ടായിട്ടുള്ളത്. ഇലകളിലെ നീരും തണ്ടിലെ നീരും ഊറ്റിക്കുടിക്കുന്ന പുഴുക്കള്‍ നെല്‍ചെടിയുടെ ആരോഗ്യം ഇല്ലാതാക്കുന്നതായി പെരുവെമ്പിലെ കര്‍ഷകര്‍ പറയുന്നു. കൃഷിവകുപ്പ് ഉദ്യോഗസ്ഥര്‍ സ്ഥലം സന്ദര്‍ശിച്ച് കീടങ്ങളുടെ ആക്രമണത്തില്‍നിന്നും നെല്‍ച്ചെടികളെ സംരക്ഷിക്കണമെന്നാണ് കര്‍ഷകരുടെ ആവശ്യം.