കയ്പമംഗലം: കേന്ദ്രസര്‍ക്കാര്‍ യുവജനക്ഷേമ വകുപ്പിന്റെ നാഷണല്‍ യൂത്ത് ലീഡേഴ്‌സ് പ്രോഗ്രാം ഓഫിസര്‍ അവാര്‍ഡ് രമേഷ് ബാബുവിന്. കയ്പമംഗലം ഗവ: ഫിഷറീസ് വൊക്കേഷണല്‍ ഹയര്‍ സെക്കന്‍ഡറി സ്‌കൂളിലെ എന്‍.എസ്.എസ്.പ്രോഗ്രാം ഓഫിസറാണ് എന്‍.ആര്‍ രമേഷ്ബാബു. നാല്‍പതിനിയാരം രൂപയും പ്രശസ്തി പത്രവുമാണ് അവാര്‍ഡ്. സ്‌കൂളുകള്‍ കേന്ദ്രീകരിച്ച് നടത്തുന്ന പ്രവര്‍ത്തനങ്ങളുടെ മികവ് കണക്കിലെടുത്താണ് അവാര്‍ഡ് നല്‍കി വരുന്നത്. കയ്പമംഗലം മണ്ഡലത്തിലെ ലഹരി വിരുദ്ധ ക്ലബുകളുടെ സജീവ പ്രവര്‍ത്തകനും ആരോഗ്യ ശാസ്ത്ര പ്രചാരകനുമാണ് രമേഷ്ബാബു. തിരുവനന്തപുരത്ത് നടന്ന ചടങ്ങില്‍ മന്ത്രി സി.രവീന്ദ്രനാഥ് രമേഷ്ബാബുവിന് അവാര്‍ഡ്  സമ്മാനിച്ചു. കെ.മുരളീധരന്‍ എം.എല്‍.എ, ഇ.ടി ടൈസണ്‍ മാസ്റ്റര്‍ എം.എല്‍.എ തുടങ്ങിയവര്‍ ചടങ്ങില്‍ പങ്കെടുത്തു.