ഉളിയില്‍: സുന്നത്ത് ജമാഅത്തിനെ മുറുകെപിടിച്ച് പാരമ്പ്യരത്തിന്റെ കണ്ണികളാകാന്‍ വിശ്വാസികള്‍ മുന്നോട്ട് വരണമെന്ന് സയ്യിദ് അസ്‌ലംതങ്ങള്‍ അല്‍ മശ്ഹൂര്‍. ഉളിയില്‍ ശംസുല്‍ ഉലമ സുന്നിസെന്ററിന്റെ ആഭിമുഖ്യത്തില്‍ നടത്തിയ പഞ്ചദിന പ്രഭാഷണത്തിന്റെ ഉദ്ഘാടനം നിര്‍വഹിക്കുകയായിരുന്നു അദ്ദേഹം. സമസ്ത ജില്ലാ സെക്രട്ടറി കെ.ടി അബ്ദുല്ല മുസ്‌ലിയാര്‍ അധ്യക്ഷനായി. അബ്ദുറഷീദ് സഅദി മുഖ്യപ്രഭാഷണം നടത്തി. മഅ്‌റൂഫ് മട്ടന്നൂര്‍, റഷീദ്  ഫൈസി, അബ്ദുല്ല ഹാജി, ജുനൈദ് സഅദി, സഈദ് ഫൈസി ഇര്‍ഫാനി സംസാരിച്ചു.