ചെന്നൈ: രാജ്യത്തെ അടുത്ത പ്രധാനമന്ത്രി കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി ആയിരിക്കണമെന്ന് ഡി.എം.കെ അധ്യക്ഷന്‍ എം.കെ സ്റ്റാലിന്‍.
രാഹുല്‍ പ്രധാനമന്ത്രിയാകണമെന്നാണ് തമിഴ്‌നാട്ടിലെ ജനങ്ങള്‍ ആഗ്രഹിക്കുന്നതെന്നും അദ്ദേഹം പറഞ്ഞു.
നേരത്തെയും രാഹുലിനെ പ്രധാനമന്ത്രി സ്ഥാനാര്‍ഥിയായി ഉയര്‍ത്തിക്കാണിക്കണമെന്ന് സ്റ്റാലിന്‍ പറഞ്ഞിരുന്നു.
ചെന്നൈയില്‍ ഡി.എം.കെ സംഘടിപ്പിച്ച റാലിയിലാണ് അദ്ദേഹം ഈ ആവശ്യം ഉന്നയിച്ചിരുന്നത്.
ഫാസിസ്റ്റ് ശക്തികളായ ബി.ജെ.പിയെ പരാജയപ്പെടുത്താന്‍ പ്രതിപക്ഷത്തിനെ നയിക്കാന്‍ രാഹുല്‍ ഗാന്ധിക്കാണ് കഴിയുകയെന്നും അദ്ദേഹം കൂട്ടിച്ചേര്‍ത്തു.