മാഡ്രിഡ്: പരുക്ക് ശാപം റയല്‍ മാഡ്രിഡിനെ വിടാതെ പിന്തുടരുന്നു. ഗോള്‍കീപ്പര്‍ കെയ്‌ലര്‍ നവാസിന് പരുക്കേറ്റതോടെയാണ് റയല്‍ വീണ്ടും പ്രതിരോധത്തിലായത്. ടോണി ക്രൂസ്, ഗരത് ബെയില്‍, മാര്‍ക്കോസ് ലോറന്റെ, അസെന്‍സിയോ എന്നീ താരങ്ങള്‍ നിലവില്‍ പരുക്കിന്റെ പിടിയിലാണ്. കുര്‍ട്ടോ വന്നതിന് ശേഷം രണ്ടാം കീപ്പറായിട്ടായിരുന്നു നവാസുണ്ടായിരുന്നത്. എന്നാല്‍ കുര്‍ട്ടോക്ക് പരുക്കേറ്റതോടെ നവാസ് വീണ്ടും ആദ്യ ഇലവനിലെത്തുകയും ചെയ്തിരുന്നു. രണ്ട് ഗോള്‍കീപ്പര്‍മാര്‍ക്കും പരുക്കേറ്റതോടെ റയല്‍ തീര്‍ത്തും പ്രതിരോധത്തിലായി. കുര്‍ട്ടോയുടെ പരുക്ക് മാറിയിട്ടുണ്ടെങ്കിലും ഫിറ്റ്‌നസ് വീണ്ടെടുക്കാന്‍ താരത്തിനായിട്ടില്ല. ടീമിനൊപ്പം ചേര്‍ന്നിട്ടുള്ള കുര്‍ട്ടോയെ തന്നെ അടുത്തുള്ള മത്സരങ്ങളില്‍ ആദ്യ ഇലവനില്‍ ഇറക്കിയേക്കും.