കണ്ണൂര്‍: ഡി.ടി.പി.സി.യുടെ നിയന്ത്രണത്തിലുള്ള പയ്യാമ്പലം പാ
ര്‍ക്ക് കണ്ണൂര്‍ കോര്‍പറേഷന്‍ ഏറ്റെടുക്കും. പാര്‍ക്ക് വിട്ടുനല്‍കാന്‍ ഡി.ടി.പി.സി ഡെപ്യൂട്ടി ഡയരക്ടര്‍ സന്നദ്ധത അറിയിച്ചതായി ഇന്നലെ കോര്‍പറേഷന്‍ കൗണ്‍സില്‍ യോഗത്തില്‍ മേയര്‍ അറിയിച്ചു. നടത്തിപ്പുകാര്‍ കോര്‍പറേഷനിലേക്കു അടക്കേണ്ട വിനോദനികുതിയും ലൈസന്‍സ് ഫീസും അടക്കുന്നില്ലെന്നു കാരണത്താല്‍ ഡി.ടി.പി.സി
യുടെ നിയന്ത്രണത്തിലുള്ള പയ്യാമ്പലം പാര്‍ക്ക് ഫെബ്രുവരി 10ന് കോര്‍പ്പറേഷന്‍ അടപ്പിച്ചിരുന്നു. പാര്‍ക്ക് പൂട്ടിയതിനെതിരേ പാര്‍ക്കിന്റെ നടത്തിപ്പ് കരാറിനെടുത്ത വ്യക്തി ഹൈക്കോടതിയില്‍ ഹര്‍ജി നല്‍കിയിട്ടുണ്ട്. ഇന്നു കേസ് പരിഗണിക്കുന്നതിനാ
ല്‍ ഹൈക്കോടതി വിധിക്കനുസരിച്ചാകും ഏറ്റെടുക്കല്‍ സംബന്ധിച്ച മറ്റുകാര്യങ്ങള്‍ തീരുമാനി
ക്കുകയെന്ന് ഡെപ്യൂട്ടി മേയര്‍
പി.കെ രാഗേഷ് യോഗത്തെ അറിയിച്ചു. പാര്‍ക്ക് സൗജന്യമായി തുറന്നുകൊടുക്കണമെന്ന് യോഗത്തില്‍ ഭൂരിപക്ഷം കൗണ്‍സിലര്‍മാരും ആവശ്യപ്പെട്ടെങ്കിലും ഒടുവില്‍ കോര്‍പറേഷനും വരുമാനമുണ്ടാകുന്ന രീതിയില്‍ പാര്‍ക്ക് ആരംഭിക്കാന്‍ യോഗം തീരുമാനിച്ചു. പാര്‍ക്ക് ഏറ്റെടുക്കാനുള്ള കൗണ്‍സില്‍ തീരുമാനം ഡി.ടി.പി.സിയെ അറിയിക്കും. നിയമപരമായി കൈമാറ്റം നടത്തിയതിനു ശേഷം പാര്‍ക്ക് തുറന്നു പ്രവര്‍ത്തിക്കും. നടത്തിപ്പുമായി ബന്ധപ്പെട്ട കാര്യങ്ങള്‍ തീരുമാനിക്കുന്നതിനു പാര്‍ലമെന്ററി പാര്‍ട്ടി നേതാക്കളെ ചുമതലപ്പെടുത്തുമെന്നും മേയര്‍ അറിയിച്ചു. അതേസമയം, സ്റ്റേഡിയം കോര്‍ണറിലെ ശുചിമുറി കോംപ്ലക്‌സ് ഒരാഴ്ച തുറന്ന് വീണ്ടും പൂട്ടിയത് യോഗത്തില്‍ ചര്‍ച്ചയായി. കലോത്സവം നടന്ന ജനുവരി 16 മുതല്‍ 22 വരെ പ്രവര്‍ത്തിച്ച ശുചിമുറി കോംപ്ലക്‌സ് കലോത്സവം തീര്‍ന്നതിനു പിന്നാലെ പൂട്ടിയത് ഒരു മാസത്തിലധികമായിട്ടും കോര്‍പറേഷന്‍ അധികൃതര്‍അറിഞ്ഞില്ലെന്ന് യോഗത്തില്‍ പൊതുമരാമത്ത് സ്ഥിരം സമിതി അധ്യക്ഷന്‍ ടി.ഒ മോഹനന്‍ ചൂണ്ടിക്കാട്ടി. വീഴ്ച സംഭവിച്ചിട്ടുണ്ടെങ്കില്‍ പരിശോധിക്കാമെന്ന് ഡെപ്യൂട്ടി മേയര്‍ പി.കെ രാഗേഷ് മറുപടി നല്‍കി.