പോര്‍ട്ട് എലിസബത്ത്: ഇന്ത്യന്‍ നായകന്‍ വിരാട് കോഹ്‌ലിയുടെ റെക്കോര്‍ഡ് തകര്‍ത്ത് ദക്ഷിണാഫ്രിക്കന്‍ ബാറ്റ്‌സ്മാന്‍ ഹാഷിം അംല.
ഏകദിന ക്രിക്കറ്റില്‍ ഏറ്റവും വേഗത്തില്‍ 27 സെഞ്ചുറികള്‍ പൂര്‍ത്തിയാക്കിയെന്ന കോഹ്‌ലിയുടെ റെക്കോര്‍ഡാണ് അംല തകര്‍ത്തത്. പാകിസ്താനെതിരായ ഒന്നാം ഏകദിന ക്രിക്കറ്റ് മത്സരത്തിലായിരുന്നു അംല വേഗത്തില്‍ 27 സെഞ്ചുറി പൂര്‍ത്തിയാക്കിയ കോഹ്‌ലിയുടെ റെക്കോര്‍ഡ് മറികടന്നത്. 167 മത്സരങ്ങളില്‍ നിന്നായിരുന്നു അംലയുടെ 27ാം സെഞ്ചുറി പിറന്നത്. 169 മത്സരങ്ങളില്‍ നിന്ന് ഈ നേട്ടം കൈവരിച്ച കോഹ്‌ലിയുടെ റെക്കോര്‍ഡാണ് ഇതോടെ തകര്‍ന്നത്.
ഇന്ത്യന്‍ ബാറ്റിങ് ഇതിഹാസം സച്ചിന്‍ ടെണ്ടണ്ടുല്‍ക്കറുടെ റെക്കോര്‍ഡ് മറികടന്നാണ് കോഹ്‌ലി വേഗത്തില്‍ 27 സെഞ്ചുറി പൂര്‍ത്തിയാക്കിയെന്ന നേട്ടം കൊയ്തത്. മത്സരത്തില്‍ പുറത്താവാതെ 120 പന്തില്‍ നിന്ന് അംല 108 റണ്‍സ് നേടിയിരുന്നു.