കണ്ണൂര്‍:  കാര്‍ഷിക വികസന കര്‍ഷകക്ഷേമ വകുപ്പ് സംഘടിപ്പിച്ച കര്‍ഷക- ശാസ്ത്രജ്ഞ-ഉദ്യോഗസ്ഥ മുഖാമുഖം കണ്ണൂര്‍ ചേമ്പര്‍ ഓഡിറ്റോറിയത്തില്‍ ജില്ലാപഞ്ചായത്ത് പ്രസിഡന്റ് കെ.വി സുമേഷ് ഉദ്ഘാടനം ചെയ്തു. ജില്ലാപഞ്ചായത്ത് വികസനകാര്യ സ്റ്റാന്റിങ് കമ്മിറ്റി ചെയര്‍മാന്‍ വി.കെ സുരേഷ്ബാബു, കോര്‍പറേഷന്‍ കൗണ്‍സലര്‍ സി സീനത്ത്, പ്രിന്‍സിപ്പല്‍ കൃഷി ഓഫിസര്‍ കെ ഓമന സംസാരിച്ചു. ഗവേഷകരും കര്‍ഷകരുമായുള്ള മുഖാമുഖവും വിവിധ വിഷയാവതരണവും നടത്തി. ആത്മ പ്രൊജക്ട് ഡയറക്ടര്‍ ലാലി ജയിംസ്, കെ.വി.കെ പ്രോഗ്രാം കോഓര്‍ഡിനേറ്റര്‍ ഡോ. പി. ജയരാജ്, സി.പി.സി.ആര്‍.ഐ സയന്റിസ്റ്റ് ഡോ. പി.എസ് പ്രതിഭ, ആര്‍.എ.ആര്‍.എസ് അസി. പ്രൊഫ. ഡോ മീര മഞ്ജുഷ, കെ.എ.യു റിട്ട. പ്രൊഫ. ഡോ. കെ.വി മമ്മൂട്ടി, സോയില്‍ കണ്‍സര്‍വേഷന്‍ ഓഫിസര്‍ വി.വി പ്രകാശ്, ജോബി കെ മത്തായി സംസാരിച്ചു. വിവിധ  ജൈവ ഉത്പന്നങ്ങളുടെ വില്‍പ്പനയും നടന്നു.