എന്‍മകജെ: എന്‍ഡോസള്‍ഫാന്‍ ദുരിതബാധിതര്‍ക്കായി എന്‍മകജെ പഞ്ചായത്തില്‍ സത്യസായി ഓര്‍ഫനേജ് ട്രസ്റ്റ് സംസ്ഥാന സര്‍ക്കാര്‍  സഹകരണത്തോടെ നടപ്പിലാക്കുന്ന 'സായിപ്രസാദം' ഭവന പദ്ധതിയുടെ ഭാഗമായുള്ള രണ്ടാംഘട്ട പ്രവര്‍ത്തനങ്ങള്‍ക്ക് തുടക്കമായി. വീടു നിര്‍മിക്കുന്ന സ്ഥലത്തിന്റെ ഭൂമി പൂജ യു.എ.ഇ എക്‌സേഞ്ച് ഡയരക്ടര്‍ സുധീര്‍കുമാര്‍ ഷെട്ടി ഉദ്ഘാടനം ചെയ്തു.
എന്‍മകജെ പഞ്ചായത്ത് പ്രസിഡന്റ് രൂപവാണി ആര്‍ ഭട്ട് അധ്യക്ഷയായി.  പെര്‍ളക്കടുത്ത കാനയിലാണ് സര്‍ക്കാര്‍ പത്ത് സെന്റ് ഭൂമി വീതം അനുവദിച്ചിട്ടുള്ളത്. ഇവിടെയാണ് 500 ചതുരശ്ര അടി വിസ്തീര്‍ണ്ണമുള്ള 36 വീടുകള്‍ സത്യസായി ട്രസ്റ്റ് നിര്‍മിക്കുന്നത്. ട്രസ്റ്റ് എക്‌സിക്യുട്ടീവ് ഡയറക്ടര്‍ ആനന്ദകുമാര്‍, കെ. ദാമോദരന്‍, ഹക്കീംകുന്നില്‍, ജനപ്രതിനിധികളായ പുഷ്പ, സഫ്രീന, ഹനീഫ, കെ ശ്രീകാന്ത് സംസാരിച്ചു