മുക്കം: അഗസ്ത്യന്‍ മുഴി തൊണ്ടിമ്മല്‍ ഭാഗത്ത് ഭ്രാന്തന്‍നായുടെ വിളയാട്ടം. ഇന്നു രാവിലെ ഭീതി പരത്തിയ തെരുവ്‌നായ മൂന്നു പേരെ കടിച്ചു. കുയില്‍ തൊടികയില്‍ ജാനു, പ്രസാദ് കൊടിയങ്ങല്‍, സുന്ദരന്‍ കുയില്‍ തൊടികയില്‍ എന്നിവര്‍ക്കാണ് കടിയേറ്റത്.
ഇന്നു രാവിലെ ഏഴുമണിയോടെയാണ് തൊണ്ടിമ്മല്‍ പ്രദേശത്ത് ഭ്രാന്തന്‍നായ ഇറങ്ങിയത്. ഓടി രക്ഷപെട്ടതിനാല്‍ നിരവധി പേര്‍ കടിയേല്‍ക്കാതെ രക്ഷപ്പെടുകയായിരുന്നു. നായയെ നാട്ടുകാര്‍ തല്ലി കൊന്നു. തൊണ്ടിമ്മല്‍ സ്‌കൂളിന് തൊട്ടടുത്ത സ്ഥലത്താണ് നായയുടെ ആക്രമണമുണ്ടായത്. നിരവധി വിദ്യാര്‍ഥികള്‍ കാല്‍നടയായി സഞ്ചരിക്കുന്ന സ്ഥലമാണിത്. പഞ്ചായത്ത് പ്രസിഡന്റ് പി.ടി അഗസ്റ്റിന്‍, വാര്‍ഡ് മെമ്പര്‍ കെ.ആര്‍ ഗോപാലന്‍ സ്ഥലം സന്ദര്‍ശിച്ചു.