മണ്ണാര്‍ക്കാട്: എസ്.കെ.എസ്.എസ്.എഫ് സംസ്ഥാന കമ്മിറ്റിയുടെ സംരംഭമായ ഇസ്‌ലാമിക് സെന്ററിന്റെ ആഭിമുഖ്യത്തില്‍, പ്രമുഖ പണ്ഡിതനും യുവപ്രഭാഷകനുമായ സിംസാറുല്‍ ഹഖ് ഹുദവിയുടെ ഏകദിന റമളാന്‍ പ്രഭാഷണം 2016 ജൂണ്‍ 17ന് രാത്രി തറാവീഹ്‌ന് ശേഷം മണ്ണാര്‍ക്കാട് ബസ് സ്റ്റാന്‍ഡിനടുത്തുള്ള ഗ്രൗണ്ടില്‍ നടക്കും. പാണക്കാട് സയ്യിദ് ഹമീദലി ശിഹാബ് തങ്ങള്‍ ഉദ്ഘാടനം ചെയ്യും. സമസ്ത കേരള ജംഇയ്യത്തുല്‍ ഉലമ പ്രസിഡന്റ് കുമരംപുത്തൂര്‍ എ.പി മുഹമ്മദ് മുസ്‌ലിയാര്‍ പ്രാര്‍ഥനയ്ക്ക് നേതൃത്വം നല്‍കും. സി.കെ.എം. സ്വാദിഖ് മുസ്‌ലിയാര്‍ അധ്യക്ഷനാകും. പി.വി അബ്ദുല്‍ വഹാബ് എം പി മുഖ്യാഥിതിയായിരിക്കും.