തിരുവനന്തപുരം: അയ്യപ്പ ഭക്തസംഗമത്തിനെതിരെ വിമര്‍ശനവുമായി എസ്.എന്‍.ഡി.പി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍. അയ്യപ്പ ഭക്ത സംഗമത്തിലൂടെ ഉണ്ടായത് സവര്‍ണ ഐക്യമാണെന്ന് അദ്ദേഹം കുറ്റപ്പെടുത്തി. ഈഴവരും പട്ടികവര്‍ഗക്കാരുമടങ്ങുന്ന അവര്‍ണരെ സംഗമത്തില്‍ കണ്ടില്ലെന്ന പറഞ്ഞ വെള്ളാപ്പള്ളി അയ്യപ്പ ഭക്ത സംഗമത്തില്‍ പങ്കെടുക്കാതിരുന്നത് മഹാഭാഗ്യമെന്നും കൂട്ടിച്ചേര്‍ത്തു. അമൃതാനന്ദമയി ആത്മീയ പ്രഭാഷണം നടത്തുമെന്നാണ് പറഞ്ഞിരുന്നതെന്ന് അദ്ദേഹം ചൂണ്ടിക്കാട്ടി. കോടതിവിധി നടപ്പാക്കുക മാത്രമാണ് സര്‍ക്കാര്‍ ചെയ്തതെന്നും അദ്ദേഹം പറഞ്ഞു.