ന്യൂഡല്‍ഹി: സൗത്ത് ഡല്‍ഹിയില്‍ ചൈനീസ് വിദ്യാര്‍ഥിനിയെ പീഡിപ്പിച്ച കേസില്‍ മണ്‍പാത്രവില്‍പ്പനക്കാരനെ പൊലിസ് അറസ്റ്റ് ചെയ്തു. കൈലാശ് കോളനിയില്‍ വാടകയ്ക്ക് താമസിക്കുന്ന പെണ്‍കുട്ടിയാണ് പീഡനത്തിനിരയായത്. പെണ്‍കുട്ടിയുടെ പരാതിയില്‍ അവിനിഷ് എന്നയാളെ അറസ്റ്റ് ചെയ്തതായി പൊലിസ് അറിയിച്ചു.

മണ്‍പാത്ര വില്‍പ്പനക്കാരന്‍ പെണ്‍കുട്ടിയുടെ വീട്ടിലെത്തി പാത്രം വാങ്ങാന്‍ ആവശ്യപ്പെട്ടു. എന്നാല്‍ പാത്രം വേണ്ടെന്ന് പറഞ്ഞപ്പോള്‍ പെണ്‍കുട്ടിയെ ബലമായി വീടിനുള്ളില്‍ കയറ്റി മാനഭംഗപ്പെടുത്തുകയായിരുന്നുവെന്ന് പരാതിയില്‍ പറയുന്നു.