ഗെയ്റ്റ് പൊളിഞ്ഞു വീണ് മൂന്നു വിദ്യാര്‍ഥികള്‍ക്ക് പരുക്ക്

കട്ടപ്പന: വിദ്യാര്‍ഥിയെ ഇടിക്കാതെ വെട്ടിച്ചു മാറ്റുന്നതിനിടെ സ്‌കൂള്‍ ബസ് മതിലില്‍ ഇടിച്ചു.ഗെയ്റ്റ് പൊളിഞ്ഞു വീണ് മൂന്നു വിദ്യാര്‍ഥികള്‍ക്ക് പരുക്കേറ്റു. ഗുരുതരമായി പരിക്കേറ്റ ഇരട്ടയാര്‍ സെന്റ്,തോമസ് സ്‌കൂളിലെ എട്ടാം ക്ലാസ് വിദ്യാര്‍ഥി ജൂബിളിനെ എറണാകുളം സ്‌പെഷ്യലിസ്റ്റ് ആശുപത്രിയില്‍ പ്രവേശിപ്പിച്ചു. ആറാം ക്ലാസ് വിദ്യാര്‍ഥികളായ മറ്റ് രണ്ട് കുട്ടികളെ കട്ടപ്പനയിലെ സ്വകാര്യ ആശുപത്രിയില്‍ പ്രവേശിപ്പിച്ചു.
ഇന്നലെ വൈകിട്ട് നാലുമണിയോടെയാണ് അപകടം.സ്‌കൂള്‍ കുട്ടികളുമായി നീങ്ങിയ ബസിനു മുന്നിലേക്ക് ചാടിയ കുട്ടിയെ ഇടിക്കാതെ വെട്ടിച്ചു മാറ്റുന്നതിനിടെ യായിരുന്നു അപകടം. ഈ സമയം പ്രവേശന കവാടത്തിനു മുന്നില്‍ നില്‍ക്കുകയായിരുന്ന വിദ്യാര്‍ഥികള്‍ക്ക് മുകളിലേക്ക് ബസ് ഇടിച്ചു തകര്‍ന്ന ഗെയ്റ്റ് വീഴുകയായിരുന്നു.