പട്ടിക്കാട്: പൂന്താനം ഇല്ലത്ത് തളച്ച ആന വിരണ്ടതു പരിഭ്രാന്തി പരത്തി. കഴിഞ്ഞ ദിവസം പൂന്താനം ദിനാഘോഷത്തിനായി കൊണ്ടുവന്ന ദേവസ്വത്തിന്റെ ബല്‍റാം എന്ന ആനയാണ് വിരണ്ടത്. രാവിലെ ഗുരുവായൂരിലേക്കു കൊണ്ടുപോകാന്‍ വാഹനത്തില്‍ കയറ്റാന്‍ ശ്രമിക്കുന്നതിനിടെയാണ് ആന വിരണ്ടത്.
മുറ്റത്തിന്റെ ചുറ്റുമതിലിന്റെ ഭാഗം തകര്‍ത്ത ആന കല്ലുകൊണ്ടു കൂടിനിന്നവരെ എറിയുകയും ചെയ്തു. സംഭവത്തില്‍ ആര്‍ക്കും പരുക്കില്ല. ഉച്ചയ്ക്കു ശേഷം പാപ്പാന്‍മാര്‍ അനുനയിപ്പിച്ച ആനയെ ഗുരുവായൂരിലേക്കു കൊണ്ടുപോയി.