പൊന്നാനി: പൊന്നാനിയെയും പടിഞ്ഞാറെക്കരയെയും ബന്ധിപ്പിച്ച് 700 മീറ്റര്‍ നീളത്തില്‍ കടല്‍പ്പാലം വരുന്നു. നിലവിലെ ഒന്നാം നമ്പറായ കൊല്‍ക്കത്തയിലെ ഹൗറ പാലത്തെയും കടത്തിവെട്ടുന്ന പാലമാണ് പൊന്നാനിയില്‍ പണിയുന്നത്. കാന്റിലെവര്‍ മാതൃകയിലാണ് പാലം നിര്‍മിക്കുക. കപ്പല്‍ കടന്നു പോകേണ്ട  സാഹചര്യങ്ങളില്‍ പോലും പാലത്തിന്റെ ലീഫുകള്‍ മാറ്റേണ്ടതില്ലാത്ത ഒറ്റത്തൂണ്‍ പാലമാണ് കാന്റിലെവര്‍പാലം. പാലം നിര്‍മാണത്തിനായി ഈ ബജറ്റില്‍ 100  കോടി അനുവദിക്കുകയും പദ്ധതിക്ക് ഭരണാനുമതി ലഭിക്കുകയും ചെയ്തതോടെ നാട്ടുകാര്‍ വന്‍ പ്രതീക്ഷയിലാണ് .
200 മുതല്‍ 300 കോടി രൂപ വരെ ചെലവ് പ്രതീക്ഷിക്കുന്ന പാലം വന്‍  ടൂറിസം സാധ്യതകളാണ് ഉണ്ടാക്കുക .ആദ്യഘട്ടമെന്ന നിലക്കാണ് 100 കോടി അനുവദിച്ചിട്ടുള്ളത്.
പാലം വരുന്നതോടെ എറണാംകുളം  കോഴിക്കോട് റോഡ് ഗതാഗത ദൈര്‍ഖ്യവും കുറയും. പദ്ധതിയുടെ നിര്‍മാണത്തിനായി കിഫ്ബിയാണ് പണം മുടക്കുക.