വര്‍ക്കല: വര്‍ക്കല തിരുവമ്പാടിയില്‍ തീപ്പിടുത്തം. ഇവിടെത്തെ റിസോര്‍ട്ടും ഇതിനോടു ചേര്‍ന്നുള്ള സൂപ്പര്‍ മാര്‍ക്കറ്റും
തീപിടിത്തത്തില്‍ കത്തിനശിച്ചു. പുലര്‍ച്ചെ 3.30 ഓടെ ആയിരുന്നു സംഭവം. തീപിടിത്തത്തില്‍ ലക്ഷങ്ങളുടെ നാശനഷ്ടമുണ്ടായിട്ടുണ്ടെന്നാണ് പ്രാഥമിക നിഗമനം.
എങ്ങനെയാണ് തീപ്പടര്‍ന്നതെന്നോ ആരെങ്കിലും തീകൊടുത്തതാണോ എന്നു വ്യക്തമായിട്ടില്ല. ഷോര്‍ട്ട് സര്‍ക്യൂട്ടാണ് അപകടകാരണമെന്നും സംശയിക്കുന്നുണ്ട്. അഗ്‌നിരക്ഷാ സേന സ്ഥലത്തെത്തി യാണ് തീയണച്ചത്. എന്നാല്‍ ആര്‍ക്കും പരുക്കില്ല.

ഒന്നിലേറെ അഗ്‌നിശമനസേനാ യൂണിറ്റുകള്‍ സ്ഥലത്തെത്തിയാണ് തീയണച്ചത്. കൂടുതല്‍ വിവരങ്ങള്‍ ലഭ്യമല്ല.

റിസോര്‍ട്ടിനോട് ചേര്‍ന്ന കാട്ടില്‍ നിന്നാണോ തീ പടര്‍ന്നതെന്നു പരിശോധിക്കുന്നുണ്ട്. സംഭവത്തില്‍ വിശദമായ അന്വേഷണം ആരംഭിച്ചിട്ടുണ്ട്.