അമ്പലപ്പുഴ: തെരുവ് നായ്ക്കളുടെ ആക്രമണത്തില്‍ നാല് പേര്‍ക്ക് പരുക്കേറ്റു.
പുന്നപ്ര തെക്ക് പഞ്ചായത്ത് രണ്ടാം വാര്‍ഡില്‍ വടക്കേ അറ്റത്ത് നമ്പീശന്‍ (56), 17-ാം വാര്‍ഡില്‍ പൊള്ളയില്‍ തങ്കമ്മ (66), രണ്ടാം വാര്‍ഡില്‍ പുത്തന്‍പുരക്കല്‍ അന്നമ്മ (49), പുന്നപ്ര വടക്ക് പഞ്ചായത്ത് പറവൂര്‍ പടിഞ്ഞാറെക്കര വീട്ടില്‍ സിബി (27) എന്നിവരെയാണ് പരുക്കുകളോടെയാണ് വണ്ടാനം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചത്.
ഇന്നലെ വൈകീട്ട് 4.30 ഓടെ അറവുകാട് നാല് പുരക്കല്‍ ക്ഷേത്രത്തിന് സമീപത്ത് വച്ചായിരുന്നു സംഭവം. നാലുപേരെയും തെരുവ് നായ്ക്കള്‍ ആക്രമിക്കുകയായിരുന്നു. ഇവരുടെ നിലവിളി കേട്ട് ഓടിയെത്തിയ പ്രദേശവാസികളാണ് ഇവരെ ആശുപത്രിയില്‍ എത്തിച്ചത്. പ്രദേശത്ത് തെരുനായ്ക്കള്‍ എണ്ണം വര്‍ധിച്ചിട്ടും പഞ്ചായത്ത് അധികാരികള്‍ യാതൊരു നടപടിയും സ്വീകരിക്കുന്നില്ലെന്ന ആക്ഷേപം ശക്തമായി.