മങ്കട: ജില്ലാതല ഖുര്‍ആന്‍ പാരായണ മത്സരം നാളെ രാവിലെ എട്ടിനു മങ്കട സിദ്‌റ പാര്‍ക്ക് ഓഡിറ്റോറിയത്തില്‍ നടക്കും. സയ്യിദ് ആബിദ് ഹുസൈന്‍ തങ്ങള്‍ എം.എല്‍.എ ഉദ്ഘാടനം ചെയ്യും. ശൈഖ് അഹമ്മദ് ബിന്‍ മുഹമ്മദ് പ്രാര്‍ഥന നിര്‍വ്വഹിക്കും.
കെ.പി മരക്കാര്‍ അധ്യക്ഷനാകും. ഉച്ചക്ക് 2.30ന് റെയ്ഞ്ച് തല ഖിറാഅത്ത് മത്സരത്തിനു തുടക്കം കുറിക്കും. ഹൈദര്‍ അലി വാഫി ഇരിങ്ങാട്ടിരി, ഹാഫിള് ഖലീല്‍ വാഫി, ഹാഫിള് മുഹമ്മദ് അസദ് സര്‍ഹിന്ദി, ഹാഫിള് മുഹമ്മദ് സാബിത്ത് പങ്കെടുക്കും. വൈകിട്ട് 4.30ന് സമ്മാനദാനം നടക്കും.
സമസ്ത ജനറല്‍ സെക്രട്ടറി കെ. ആലിക്കുട്ടി മുസ്‌ലിയാര്‍ ഉദ്ഘാടനം ചെയ്യും. ഉമര്‍ ബാഖവി പ്രാര്‍ഥന നടത്തും. യഹ്‌യ ഫൈസി അധ്യക്ഷനാകും. സി.ഐ.സി കോഡിനേറ്റര്‍ അബ്ദുല്‍ ഹക്കീം ഫൈസി ആദൃശ്ശേരി പ്രഭാഷണം നിര്‍വഹിക്കും. വി. അലി അക്ബര്‍ ഫൈസി, ഇബ്രാഹീം ഫൈസി റിപ്പണ്‍, കെ.പി ഹസ്സന്‍ ഹാജി സംസാരിക്കും.
വൈകിട്ട് ഏഴിന് സമാപന യോഗം മഹല്ല് ഖാസി സയ്യിദ് സാബിഖലി ശിഹാബ് തങ്ങള്‍ ഉദ്ഘാടനം ചെയ്യും. അയ്യൂബ് സഖാഫി പള്ളിപ്പുറം മുഖ്യപ്രഭാഷണം നടത്തും. സൈനുല്‍ ആബിദ് വാഫി, മുഹമ്മദ് ഫൈസി, ശബീറലി ഫൈസി, ബഷീര്‍ ഫൈസി, സൈദ് ഫൈസി, ഉരുണിയന്‍ ഹൈദ്രോസ് മുസ്‌ലിയാര്‍, വെളികളത്തില്‍ അബ്ദുല്ല ഫൈസി, നിസാര്‍ ഫൈസി, മുഹമ്മദ് മാസ്റ്റര്‍ പിലാപറമ്പ്, മഹ്ബൂബ് മാസ്റ്റര്‍ വടക്കേ കുളമ്പ്, കെ.പി അബൂബക്കര്‍ ഹാജി സംസാരിക്കും.