വെങ്ങപ്പള്ളി: കണ്ണൂര്‍ മുണ്ടയാട് ഇന്‍ഡോര്‍ സ്റ്റേഡിയത്തില്‍ വെച്ച് നടന്ന 11ാമത് സംസ്ഥാന വാഫി കലോത്സവത്തില്‍ ശംസുല്‍ ഉലമാ ഇസ്്‌ലാമിക് അക്കാദമിക്ക് മികച്ച വിജയം.
81 സ്ഥാപനങ്ങള്‍ മൂന്ന് സോണുകളിലായി മത്സരിച്ച കലോത്സവത്തില്‍ ഫസ്റ്റ് റണ്ണേഴ്‌സ് അപ്പായി അക്കാദമി പ്രതിനിധീകരിച്ച എ സോണ്‍ തിരഞ്ഞെടുക്കപ്പെട്ടു. എ സോണില്‍ ഏറ്റവും കൂടുതല്‍ പോയിന്റ് നേടി ശംസുല്‍ ഉലമാ ഇസ്്‌ലാമിക് അക്കാദമി ഒന്നാമതെത്തി. അഞ്ചിനങ്ങളില്‍ ഒന്നാം സ്ഥാനവും എട്ടിനങ്ങളില്‍ രണ്ടാം സ്ഥാനവും ആറിനങ്ങളില്‍ മൂന്നാം സ്ഥാനവും അക്കാദമി വിദ്യാര്‍ഥികള്‍ നേടി. ആറായിരത്തോളം വിദ്യാര്‍ഥികള്‍ കലോത്സവത്തില്‍ പങ്കെടുത്തു.

റാഫി ബെസ്റ്റ് ഡിബേറ്റര്‍

വെങ്ങപ്പള്ളി: സംസ്ഥാന വാഫി കലോത്സവത്തിലെ ആലിയ വിഭാഗം ബെസ്റ്റ് ഡിബേറ്ററായി വെങ്ങപ്പള്ളി ശംസുല്‍ ഉലമാ ഇസ്്‌ലാമിക് അക്കാദമി അഞ്ചാം വര്‍ഷ വിദ്യാര്‍ഥി റാഫി കാവുംമന്ദത്തിനെ തിരഞ്ഞെടുത്തു. കുടിയൊഴുപ്പിച്ചുള്ള വികസനം അനിവാര്യമോ എന്ന വിഷയത്തില്‍ ശരീഫ് സാഗറിന്റെ മോഡറേഷനിലാണ് ഡിബേറ്റ് മത്സരം നടന്നത്. ഇതാദ്യമായാണ് അക്കാദമിക്ക് ബെസ്റ്റ് ഡിബേറ്റര്‍ പുരസ്‌കാരം ലഭിക്കുന്നത്.