ഊട്ടി: കുന്നൂരില്‍ പ്രവര്‍ത്തിക്കുന്ന ചായപ്പൊടി വാണിജ്യ കേന്ദ്രത്തില്‍ കഴിഞ്ഞ 17, 18 തിയതികളില്‍ നടന്ന ലേലത്തില്‍ 12 കോടി 88 ലക്ഷത്തിന്റെ ചായപ്പൊടി ലേലത്തില്‍ വിറ്റു.
നീലഗിരി ജില്ലയിലെ സഹകരണ ഫാക്ടറികളിലും സ്വകാര്യ ഫാക്ടറികളിലും സംസ്‌കരിച്ചെടുക്കുന്ന ചായപ്പൊടി കുന്നൂരിലെ വാണിജ്യ കേന്ദ്രത്തില്‍ വെച്ച് ആഴ്ചയില്‍ രണ്ട് ദിവസങ്ങിലാണ് ലേലം നടക്കാറ്. ഓണ്‍ലൈനിലൂടെ നടക്കുന്ന ലേലത്തില്‍ സ്വദേശത്തു നിന്നും വിദേശത്തു നിന്നുമായി ധാരാളം വ്യാപാരികള്‍ പങ്കെടുക്കും. ഈ ആഴ്ച ലേലത്തില്‍ 16.12 ലക്ഷം കിലോ ചായപ്പൊടി ലേലത്തിനായി എത്തിയതില്‍ 10.29 ലക്ഷം കിലോ ഇല ഇനത്തില്‍ പെട്ടവയും 5.83 ലക്ഷം കിലോ പൊടി ഇനത്തില്‍പ്പെട്ടവയുമാണ്. ഇതില്‍ ലേലത്തില്‍ പോയത് 12.80 കിലോ ചായപ്പൊടിയാണ്. സി.ടി.സി ഇനത്തില്‍പ്പെട്ട പൊടിക്ക് കിലോയ്ക്ക്് 262 രൂപയും ഓര്‍ത്തോഡക്‌സ് ഇനത്തിന് 263 രൂപയും ലഭിച്ചു. അടുത്തലേലം ഈ മാസം 24, 25 തിയതികളില്‍ നടക്കും.