കാഞ്ഞിരപ്പുഴ: ജലം ജീവന്‍ എന്ന പ്രമേയത്തില്‍ എസ്.കെ.എസ്.എസ്.എഫ് സംഘടിപ്പിക്കുന്ന സംസ്ഥാനതല ക്യാംപയ്‌നിനോടനുബന്ധിച്ച്  പാലക്കാട് ജില്ല ത്വലബവിങ് ജില്ലയിലെ ദര്‍സ്  അറബിക് കോളജുകളില്‍ നടത്തുന്ന പറവകള്‍ക്ക് നല്‍കാം ഒരിറ്റ് ദാഹജലം പദ്ധതിയുടെ ജില്ലാതല ക്യാംപയ്‌നിന് തുടക്കമായി. എസ്.കെ.എസ്.എസ്.എസ്.എഫ് സംസ്ഥാന ജനറല്‍ സെക്രട്ടറി സത്താര്‍ പന്തല്ലൂര്‍ ഉദ്ഘാടനം നിര്‍വഹിച്ചു. ത്വലബ വിങ് ജില്ലാ ചെയര്‍മാന്‍ റഷീദ് കമാലി മോളൂര്‍ അധ്യക്ഷനായി. സംസ്ഥാന കൗണ്‍സിലര്‍ ഫായിസ് നാട്ടുകല്‍,  ജില്ലാ ഓര്‍ഗനൈസര്‍ ത്വയ്യിബ് ആലൂര്‍, വൈസ് ചെയര്‍മാന്‍ ഇസ്ഹാഖ് ഫൈസി അലനല്ലൂര്‍ പങ്കെടുത്തു.  ജില്ല കണ്‍വീനര്‍ ഹക്കീം തോട്ടര സ്വാഗതവും വര്‍ക്കിങ് കണ്‍വീനര്‍ മുഹമ്മദ് ഹസീബ് വല്ലപ്പുഴ നന്ദിയും പറഞ്ഞു.