പാലക്കാട്: സമസ്ത കേരള ജംഇയ്യത്തുല്‍ ഉലമ കേന്ദ്ര മുശാവറ സാരഥികളായി തെരഞ്ഞെടുത്ത സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍, കെ. ആലിക്കുട്ടി മുസ്‌ലിയാര്‍, അല്‍ഹാജ്. സി.കെ.എം. സ്വാദിഖ് മുസ്‌ലിയാര്‍ എന്നിവര്‍ക്ക് സമസ്ത പാലക്കാട് ജില്ലാ കമ്മിറ്റി സ്വീകരണവും ആദരിക്കല്‍ ചടങ്ങും നടത്തും.
പരിപാടി മാര്‍ച്ച് 15 ബുധനാഴ്ച രാവിലെ 10 മണിക്ക് കരിമ്പ പള്ളിപ്പടി എച്ച്.ഐ.എസ് ഹാളില്‍ നടക്കും.
ഇതുസംബന്ധമായി ചേര്‍ന്ന ജില്ലാ സമസ്ത യോഗം സയ്യിദ് കെ.പി.സി. തങ്ങളുടെ അധ്യക്ഷതയില്‍ സി.കെ.എം. സ്വാദിഖ് മുസ്‌ലിയാര്‍ ഉദ്ഘാടനം ചെയ്തു.
എം.പി. കുഞ്ഞിമുഹമ്മദ് മുസ്‌ലിയാര്‍ നെല്ലായ, കുഞ്ഞഹമ്മദ് മുസ്‌ലിയാര്‍ നെടുങ്ങോട്ടൂര്‍, സയ്യിദ് പി.കെ. ഇമ്പിച്ചി കോയ തങ്ങള്‍ പഴയലക്കിടി, ഇ. അലവി ഫൈസി കുളപ്പറമ്പ്, കെ.സി. അബൂബക്കര്‍ ദാരിമി, സയ്യിദ് അബ്ദുറഹ്മാന്‍ ജിഫ്‌രി തങ്ങള്‍, ടി.പി. അബൂബക്കര്‍ മുസ്‌ലിയാര്‍, ടി.എച്ച്.എ. കബീര്‍ അന്‍വരി, ഇ.വി ഖാജാ ദാരിമി, സി. മുഹമ്മദാലി ഫൈസി, ടി.കെ. മുഹമ്മദ് കുട്ടി ഫൈസി, ഹബീബ് ഫൈസി സംബന്ധിച്ചു.
സ്വീകരണത്തോടനുബന്ധിച്ച് അബ്ദുല്‍ ഗഫൂര്‍ അന്‍വരി മുതൂരിന്റെ ത്വരീഖത്ത് പഠന ക്ലാസും നടക്കും.