തിരുവനന്തപുരം: സംസ്ഥാനത്തെ മികച്ച ആനന്ദ് മാതൃകാ ക്ഷീര സഹകരണ സംഘത്തിനുള്ള ഡോ. വര്‍ഗീസ് കുര്യന്‍ പുരസ്‌കാരം തിരുവനന്തപുരം അതിയന്നൂര്‍ ബ്ലോക്കിലെ നെടിയവിരാലി ക്ഷീര സംഘത്തിന്. മികച്ച പരമ്പരാഗത ക്ഷീരസംഘമായി ചിറയിന്‍കീഴ് ബ്ലോക്കിലെ മേല്‍കടയ്ക്കാവൂര്‍ ക്ഷീര വ്യവസായ സംഘവും തെരഞ്ഞെടുക്കപ്പെട്ടതായി മന്ത്രി കെ രാജു പറഞ്ഞു.
സംസ്ഥാനത്തെ മികച്ച ക്ഷീര സഹകാരിയായി കാസര്‍കോട് മഞ്ചേശ്വരം ഖണ്ഡിഗെ ഫാമിലെ അബൂബക്കര്‍ സിദ്ദിഖ് തെരഞ്ഞെടുക്കപ്പെട്ടു.
മേഖലാ അവാര്‍ഡുകളും പ്രഖ്യാപിച്ചു. തിരുവനന്തപുരം മേഖല: പത്തനംതിട്ട പറക്കോട് ചെറുകുന്നം ക്ഷീരസംഘത്തിലെ ബി. വിജയന്‍ (ജനറല്‍), റാന്നി വെച്ചൂച്ചിറ സംഘത്തിലെ മേരിക്കുട്ടി ജോയി (വനിത), ആലപ്പുഴ ഭരണിക്കാവ് കണ്ണനാക്കുഴി സംഘത്തിലെ ബി. ബാബു (എസ്.സി എസ്.ടി). എറണാകുളം മേഖല: എറണാകുളം കൂവപ്പടി മുടക്കുഴ ഈസ്റ്റ് ക്ഷീരോല്‍പ്പാദക സഹകരണ സംഘത്തിലെ റെയ്മണ്ട് ഫ്രാന്‍സിസ് (ജനറല്‍), തൃശൂര്‍ ചാലക്കുടി പാളയംപറമ്പ് സംഘത്തിലെ ലക്ഷ്മി മേനോന്‍ (വനിത), ഇടുക്കി കട്ടപ്പന ചെല്ലാര്‍കോവില്‍ സംഘത്തിലെ രാമമൂര്‍ത്തി (എസ്.സി എസ്.ടി).
മലബാര്‍: പാലക്കാട് തൃത്താല വട്ടേനാട് ക്ഷീരോല്‍പ്പാദക സഹകരണ സംഘത്തിലെ ഡോ. രാമകൃഷ്ണന്‍ (ജനറല്‍), കണ്ണൂര്‍ തലശ്ശേരി പിണറായി സംഘത്തിലെ എ.പി ശ്രീരിഷ (വനിത), കാസര്‍കോട് പരപ്പ കോളിച്ചാല്‍ സംഘത്തിലെ കമലാ സുന്ദര്‍ (എസ്.സി എസ്.ടി).