ഹരിപ്പാട്: ആശങ്കകള്‍ക്ക് വിരാമമിട്ട് വീയപുരം മുണ്ടുതോട് - പോളതുരുത്ത് പാടശേഖരത്തിലെ പുഞ്ചകൃഷി വിളവെടുപ്പ് ആരംഭിച്ചു. പതിനഞ്ച് യന്ത്രങ്ങള്‍ ഉപയോഗിച്ചാണ് വിളവെടുപ്പ് നടത്തുന്നത്. ഒരാഴ്ചക്കുള്ളില്‍ വിളവെടുപ്പ് പൂര്‍ത്തീകരിക്കാനാകുമെന്ന് പ്രതീക്ഷിക്കുന്നു.
നൂറ്റി എണ്‍പത്തി രണ്ട് കര്‍ഷകരാണിവിടുള്ളത്. പമ്പാനദിയുടെ തീരത്തായി സ്ഥിതി ചെയ്യുന്ന ഈ പാടശേഖരത്തില്‍ ഓരുവെള്ള ഭീഷണി നിലനിന്നിരുന്നെങ്കിലും കര്‍ഷകര്‍ കഷ്ടിച്ചു രക്ഷപ്പെടുകയായിരുന്നു.
ഇനിയും കൊയ്‌തെടുക്കുന്ന നെല്ല് കാലതാമസം കൂടാതെ സംഭരണക്കാര്‍ എത്തി എടുക്കണമെന്ന പ്രാര്‍ഥനയിലാണ് കര്‍ഷകര്‍. വീയപുരം കൃഷി ഭവന്‍ പരിധിയിലെ തേവേരി, കട്ടക്കുഴി, അച്ചനാരി ഉള്‍പ്പടെ നിരവധി പാടശേഖരങ്ങളില്‍ ഇതിനകം കൊയ്ത്തും സംഭരണവും ആരംഭിച്ചിച്ചു.