ആഗ്ര: അമേരിക്കന്‍ പ്രസിഡന്റ് ഡൊണാള്‍ഡ് ട്രംപ് ഇന്ത്യാ സന്ദര്‍ശനത്തില്‍ താജ്മഹലില്‍ എത്തുന്നതിന്റെ ഭാഗമായി ഫെബ്രുവരി 24ന് 12മണിമുതല്‍ പൊതുജനങ്ങള്‍ക്കുള്ള പ്രവേശനം നിയന്ത്രിച്ചു. സുരക്ഷാ കാരണങ്ങളെ തുടര്‍ന്നാണ് അന്ന് 12 മണി മുതല്‍ താജ്മഹല്‍ അടച്ചിടാന്‍ തീരുമാനിച്ചതെന്ന് ആര്‍ക്കിയോളജിക്കല്‍  സര്‍വേ ഓഫ് ഇന്ത്യ (എ.എസ്.ഐ) ആഗ്ര ഡിവിഷന്‍ സൂപ്രണ്ട് വസന്ത് കുമാര്‍ സ്വര്‍ക്കര്‍ അറിയിച്ചു.

സന്ദര്‍ശനത്തിന്റെ ഭാഗമായി താജ്മഹലിന്റെ സമീപപ്രദേശത്തെ വീടുകളും സ്ഥാപനങ്ങളും പരിശോധനയ്ക്ക് വിധേയമാക്കും.പ്രധാനമന്ത്രി നരേന്ദ്ര മോദിയുടെ ക്ഷണപ്രകാരം ഫെബ്രുവരി 24 മുതല്‍ രണ്ട് ദിവസത്തെ ഇന്ത്യാ സന്ദര്‍ശനത്തിനാണ് ഡൊണാള്‍ഡ് ട്രംപ് എത്തുന്നത്