ശ്രീമൂലനഗരം: കിണറില്‍ ചെരുപ്പ് കിടക്കുന്നതു കണ്ടത് പ്രദേശവാസികളില്‍ പരിഭ്രാന്തി പരത്തി. ശ്രീമൂലനഗരം മില്ലുംപടി ജങ് ഷനിലെ അരിവാള്‍കുടി വീട്ടില്‍ മനേഷിന്റെ വീട്ടിലെ കിണലാണ് ചെരുപ്പും വലയും കിടക്കുന്നത് കണ്ടത്. തുടര്‍ന്ന് വീട്ടുകാര്‍ കാലടി പൊലിസില്‍ വിവരമറിയിച്ചു. കിണറില്‍ ആരെങ്കിലും അകപ്പെട്ടു പോയിരിക്കാമെന്ന ആശങ്കയിലായിരുന്നു വീട്ടുകാര്‍.
കിണറില്‍ പരിശോധ നടത്തുവാനായി അങ്കമാലിയില്‍ നിന്നും ഫയര്‍ഫോഴ്‌സും എത്തി. ഫയര്‍ഫോഴ്‌സ് കിണറില്‍ ഇറങ്ങി പരിശോധന നടത്തിയെങ്കിലും ചെരിപ്പല്ലാതെ വേറൊന്നും കണ്ടത്താനായില്ല. സംഭവമറിഞ്ഞ് നാട്ടുകാരും പ്രദേശത്ത് തടിച്ചുകൂടി.