പന്തല്ലൂര്‍: കാടിന് തീ വച്ചവരെ വനത്തില്‍ സ്ഥാപിച്ച കാമറയുടെ സഹായത്തോടെ വനം വകുപ്പ് പിടികൂടി.
പന്തല്ലൂര്‍ താലൂക്കിലെ അമ്പലമൂലക്ക് സമീപം നരികൊല്ലിയിലെ വനത്തിന് തീവച്ചവരേയും മണിക്കൂറുകള്‍ക്കകം വനം വകുപ്പ് പിടികൂടിയത്. അമ്പലമൂല സ്വദേശികളായ മാധവന്‍ (44), ശിവകുമാര്‍ (34) എന്നിവരാണ് പിടിയിലായത്. കഴിഞ്ഞ ദിവസമാണ് നരിക്കൊല്ലി വനത്തില്‍ കാട്ടുതീ പടര്‍ന്നത്. വിവരമറിഞ്ഞ് ബിതര്‍ക്കാട് റെയ്ഞ്ചര്‍ മനോഹരന്റെ നേതൃത്വത്തിലുള്ള വനപാലക സംഘമാണ് സ്ഥലത്തെത്തി തീയണച്ചത്. വനപാലകര്‍ സംഭവ സ്ഥലത്തെത്തിയ സമയം അജ്ഞാതരായ രണ്ടു പേര്‍ ഓടിമറയുന്നത് ശ്രദ്ധയില്‍പ്പെട്ടിരുന്നു. തുടര്‍ന്ന് വനത്തിനകത്ത് നിരീക്ഷണത്തിനായി സ്ഥാപിച്ച കാമറകളിലെ ദൃശ്യങ്ങള്‍ പരിശോധിച്ചാണ് കുറ്റവാളികളെ കണ്ടത്തി അറസ്റ്റ് ചെയ്തത്.