ജിദ്ദ: ജോലിക്കിടെ കുഴഞ്ഞു വീണ് മഞ്ചേരി പുല്‍പ്പറ്റ തോട്ടക്കാട് വെള്ളക്കുന്നില്‍ ഉമ്മര്‍ (50) മരിച്ചു. കടയില്‍ ജോലി ചെയ്യുന്നതിനിടെ കുഴഞ്ഞു വീഴുകയായിരുന്നു. ഉടന്‍ ആശുപത്രിയില്‍ എത്തിച്ചുവെങ്കിലും രക്ഷിക്കാനായില്ല. കഴിഞ്ഞ 30 വര്‍ഷമായി ദമാമിലുണ്ട്. പാത്രക്കട നടത്തി വരികയായിരുന്നു. മിശ്ക്കാത്ത് സുന്നി സെന്റര്‍ പ്രവര്‍ത്തകനായ ഇദ്ദേഹം രണ്ടു വര്‍ഷം മുന്‍പ് വരെ കുടുംബവുമൊത്താണ് ദമാമില്‍ താമസിച്ചിരുന്നത്. ഭാര്യ: മൈമൂന. മക്കള്‍: ഫാത്തിമ മര്‍വ്വ, ഇര്‍ഫാന്‍, ആയിഷ. ആശുപത്രി മോര്‍ച്ചറിയിലുള്ള മൃതദേഹം നാട്ടില്‍ കൊണ്ടുപോകുന്നതിനുള്ള നടപടികള്‍ പുരോഗമിക്കുന്നു.