കാട്ടാക്കട: സിനിമയിലും വാര്‍ത്താ ചാനലുകളിലും കണ്ടുമാത്രം പരിചയമുള്ള അഗ്‌നിശമനസേനയുടെ രക്ഷ പ്രവര്‍ത്തന രീതികള്‍ അടുത്തറിഞ്ഞു സ്‌കൂള്‍ വിദ്യാര്‍ഥികള്‍. കള്ളിക്കാട് ലയോള സ്‌കൂളിലാണ് സുരക്ഷാവബോധ തുടര്‍ പരിപാടിയായി ഭാഗമായി അഗ്‌നിശമനസേനയുടെ സഹകരണത്തോടെയാണ് ഇവാക്വേഷന്‍ ഡ്രില്‍ സംഘടിപ്പിച്ചത്.
അഗ്‌നിശമന സേനയുടെ കമ്യൂണിറ്റി റെസ്‌ക്യ് വളന്റിയേഴ്‌സ് സി.ആര്‍.വി എന്ന സുരക്ഷാവബോധ ക്ലാസിന്റെ തുടര്‍ച്ചയായിട്ടാണ് ഇവാക്ക്വേഷന്‍ ഡ്രില്‍ സംഘടിപ്പിച്ചത്. ഇന്ത്യയിലുടനീളം തെരഞ്ഞെടുക്കപ്പെട്ട സ്‌കൂളുകളില്‍ ഫയര്‍ ഇവാക്വേഷന്‍ ഡ്രില്‍ സംഘടിപ്പിച്ചിരുന്നു.
നെയ്യാര്‍ ഡാം ഫയര്‍ ആന്‍ഡ് റെസ്‌ക്യു അംഗങ്ങളാണ് പരിശീലനം നല്‍കിയത്. നെയ്യാര്‍ ഡാം പൊലിസ് നെയ്യാര്‍ ഡാം പി.എച്ച്.സി എന്നിവരും പങ്കാളികളായി. അഗ്‌നിശമന സേന മേധാവി എ. ഹേമചന്ദ്രന്‍ നിര്‍ദേശ പ്രകാരം റെയ്ല്‍ ക്‌നിക്കല്‍ ഡയറക്ടര്‍ ആര്‍. പ്രസാദ് നേരിട്ടുള്ള നിരീക്ഷണത്തില്‍ തിരുവനന്തപുരം ഡിവിഷണല്‍ ഓഫിസര്‍ നൗഷാദ് ,അഡിഷണല്‍ ഡിവിഷണല്‍ ഓഫിസര്‍, അബ്ദുള്‍ റഷീദ് എന്നിവരാണ് ഡ്രില്ലിന്റെ നിര്‍ദേശങ്ങള്‍ നല്‍കിയത്. നെയ്യാര്‍ ഡാം അസിസ്റ്റന്റ് ഓഫിസര്‍ ടി. പ്രതാപ്കുമാര്‍ ഇവാക്വേഷന്‍ ഡ്രില്‍ നിയന്ത്രിച്ചു.  ലീഡിങ് ഫയര്‍മാന്‍ കെ.എസ് പ്രതാപ് കുമാര്‍ മുഖ്യ പരിശീലകനായി. ഫാദര്‍ ജോസഫ് കല്ലേപ്പള്ളില്‍,എസ് .ജെ പ്രിന്‍സിപ്പല്‍ സീമ , അധ്യാപകര്‍ ,മറ്റു ജീവനക്കാര്‍, വിദ്യാര്‍ഥികള്‍ എന്നിവരും പരിപാടിയില്‍ പങ്കെടുത്തു.