കൊല്ലം: രാജ്യാനന്തര വനിതാ ദിനമായ മാര്‍ച്ച് എട്ട് സമുചിതമായി ആഘോഷിക്കുന്നതിന്റെ ഭാഗമായി മാര്‍ച്ച് ഏഴുവരെ പ്രവര്‍ത്തനവാരമായി സാമൂഹ്യനീതി വകുപ്പ് ആചരിക്കും. ജില്ലാ ശിശുസംരക്ഷണ ഓഫിസിന്റെ നേതൃത്വത്തില്‍ വനിതാ ദിനാചരണവും ചലചിത്രോത്സവവും കൊട്ടിയം എന്‍.എസ്.എസ് ലോ കോളജില്‍ സംഘടിപ്പിച്ചു. അസിസ്റ്റന്റ് പബ്ലിക് പ്രോസിക്യൂട്ടര്‍ ഷറഫുന്നിസ ബീഗം പരിപാടി ഉദ്ഘാടനം ചെയ്തു. കോളജ് പ്രൊഫ. എന്‍ വിജയകുമാര്‍, ജില്ലാ ശിശു സംരക്ഷണ ഓഫീസര്‍ സിജു ബെന്‍ എന്നിവര്‍ സംസാരിച്ചു. തുടര്‍ന്ന് 101 മണ്‍ചിരാത് തെളിച്ചു. വിദ്യാര്‍ഥികള്‍ ഒപ്പ് ശേഖരണം നടത്തുകയും ഹ്രസ്വചിത്രം പ്രദര്‍ശിപ്പിക്കുകയും ചെയ്തു. അസിസ്റ്റന്റ് പ്രൊഫസര്‍മാരായ രതീഷ്, ഗായത്രി, ലീഗല്‍ കം പ്രൊബേഷന്‍ ഓഫീസര്‍ ബിജിത എസ് ഖാന്‍ എന്നിവര്‍ ചര്‍ച്ചകള്‍ക്ക് നേതൃത്വം നല്‍കി.