കൊട്ടിയം: മതിയായ രേഖകളില്ലാതെ 200ലേറെ വാഹനങ്ങളുടെ ആര്‍.സി ബുക്കുകളുമായി ഒരാള്‍ പിടിയില്‍. ഉമയനല്ലൂര്‍ സ്വദേശി അക്തര്‍ (50) ആണ് ഇന്നലെ ഷാഡോ പൊലിസിന്റെ പിടിയിലായത്. വാഹനങ്ങള്‍ കുറഞ്ഞ വിലയ്ക്ക് വാങ്ങിയ ശേഷം പൊളിച്ചുവില്‍ക്കുകയായിരുന്നു ഇയാളുടെ രീതി. ഇതേ തുടര്‍ന്ന് ചിലര്‍ ഇയാളെപ്പറ്റി രഹസ്യവിവരം പൊലിസിന് കൈമാറുകയായിരുന്നു. മോഷ്ടിച്ച വാഹനങ്ങളുംഇത്തരത്തില്‍ ഇയാളിലെത്തിയിട്ടുണ്ടോയെന്നും പൊലിസ് പരിശോധിക്കുന്നുണ്ട്.
200 ആര്‍ സി ബുക്കുകളും ചാക്കില്‍കെട്ടിവെച്ച നിലയിലാണ് കണ്ടെത്തിയത്. ഇത്തരം വാഹനങ്ങള്‍ വാങ്ങി പൊളിക്കുമ്പോള്‍ ആര്‍.ടി.ഒ അധികാരികളുടെ അനുമതി ആവശ്യമാണ്. എന്നാല്‍ ഇയാള്‍ ഇതുവരെ അത്തരത്തിലൊരു അനുമതിയും ഇതിനായി വാങ്ങിയിട്ടില്ലെന്ന് പറയുന്നു. കൊട്ടിയം സി.ഐ അജയ്‌നാഥിന്റെ നേതൃത്വത്തിലുള്ള സംഘമാണ് പ്രതിയെ അറസ്റ്റ് ചെയ്തത്.