കൊല്ലം /മലപ്പുറം: കൊല്ലം പറവൂരിലും മലപ്പുറം കോട്ടക്കലിലും വാഹനാപകടങ്ങളില്‍ മൂന്ന് യുവാക്കള്‍ മരിച്ചു. തെക്കുംഭാഗം സ്വദേശികളായ ഷെമീര്‍ (29), തൗസീഫ് (23)എന്നിവര്‍ സഞ്ചരിച്ചിരുന്ന ബൈക്ക് നിയന്ത്രണം വിട്ട് പോസ്റ്റിലിടിച്ചായിരുന്നു പറവൂരിലെ അപകടം. കഴിഞ്ഞ ദിവസം രാത്രി പത്തരയോടെ പൂക്കുളം പെട്രോള്‍ പമ്പിനും ജംങ്ഷനും ഇടയില്‍ ആയിരുന്നു അപകടം. പരവൂരില്‍ നിന്നും നെടുങ്ങോലത്തേക്ക് പോവുകയായിരുന്നു ഇരുവരും.
ബൈക്കും ലോറിയും കൂട്ടിയിടിച്ച് മലപ്പുറം കോട്ടക്കലില്‍ കോഴിക്കോട് സ്വദേശിയായ സഹല്‍ സാലിഹ് (19)ആണ് മരിച്ചത്. മലപ്പുറം കോട്ടയ്ക്കല്‍ ചങ്കുവെട്ടിയിലായിരുന്നു അപകടം. ഇന്നലെ രാത്രിയിലായിരുന്നു ഈ അപകടവുമുണ്ടായത്.

പറവൂരില്‍ സംഭവ സ്ഥലത്തുതന്നെ ഷമീര്‍ മരിച്ചു. തൗസീഫിനെ നെടുങ്ങോലം താലൂക്ക് ആശുപത്രിയില്‍ നിന്നും പാരിപ്പള്ളി മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല.