കാഞ്ഞങ്ങാട്: യന്ത്രത്തകരാര്‍ മൂലം മംഗഌരു സെന്‍ട്രല്‍-ചെന്നൈ സൂപ്പര്‍ ഫാസ്റ്റ് എക്‌സ്പ്രസ് കാഞ്ഞങ്ങാട് പിടിച്ചിട്ടു. മംഗളൂരുവില്‍നിന്നു പുറപ്പെടുമ്പോള്‍ തന്നെ ട്രെയിനിന് ചെറിയ യന്ത്രത്തകരാര്‍ ഉണ്ടായിരുന്നു. പിന്നീട് തെക്കോട്ട് വച്ച്് ചെറിയ പുക കണ്ടതിനെ തുടര്‍ന്ന് ട്രെയിന്‍ നിര്‍ത്തിയിട്ടു.
തകരാറായ എന്‍ജിനും വച്ച് ട്രെയിന്‍ ഓടിച്ചെതെന്തിനെന്ന് യാത്രക്കാര്‍ ചോദിച്ചതോടെ ചെറിയ ബഹളമായി. ഇലക്ട്രിക്ക് എന്‍ജിന്‍ കാഞ്ഞങ്ങാട് റെയില്‍വേ സ്റ്റേഷനിലാണ് ഉണ്ടായിരുന്നത്.അതിനാല്‍ പതുക്കെ ഓടിച്ച് വണ്ടി കാഞ്ഞങ്ങാട്ടെത്തിക്കുകയായിരുന്നു.
കാഞ്ഞങ്ങാട് അഞ്ചരയോടെ എത്തേണ്ട ട്രെയിന്‍ ഒന്നര മണിക്കൂര്‍ വൈകിയാണ് എത്തിയത്. എന്‍ജിന്‍ മാറ്റി ഏഴരയോടെയാണ് ട്രെയിന്‍ കാഞ്ഞങ്ങാട്ട് സ്റ്റേഷന്‍ വിട്ടത്.