കൂത്തുപറമ്പ്: ശംസുല്‍ ഉലമാ അക്കാദമിയുടെ ആഭിമുഖ്യത്തില്‍ നടക്കുന്ന വൈജ്ഞാനിക സദസ് കെ.വി അബൂട്ടി ഹാജിയുടെ അധ്യക്ഷതയില്‍ അസ്‌ലം തങ്ങള്‍ അല്‍ മശ്ഹൂര്‍ ഉദ്ഘാടനം ചെയ്തു. മന്‍സൂര്‍ അലി ദാരിമി മുഖ്യപ്രഭാഷണം നടത്തി. പി.പി ഉമര്‍ മുസ്‌ലിയാര്‍ അനുഗ്രഹഭാഷണം നടത്തി. പാലത്തായി മൊയ്തു ഹാജി, കെ.കെ ശംസുദ്ദീന്‍, പി.സി പോക്കു, യൂസുഫ് ഹാജി മൊട്ടമ്മല്‍, ദാവൂദ് കതിരൂര്‍, കബീര്‍ കണ്ണാടിപ്പറമ്പ്, മുഹമ്മദ് ഹാജി കതിരൂര്‍, ഡോ. മുഹമ്മദ് ചമ്പാട്, എ.ടി അഷ്‌റഫ് ഹാജി, അബ്ദുറഹ്മാന്‍ ഹാജി, എ.ടി അലി ഹാജി, റഹീം ബാണത്തുംകണ്ടി, റാഷിദ് സനൂസി സംസാരിച്ചു. നാലാം ദിവസമായ ഇന്ന് ഉച്ചയ്ക്ക് രണ്ടിന് സാംസ്‌കാരിക സദസ് കൂത്തുപറമ്പ് മുന്‍സിപ്പല്‍ ചെയര്‍മാന്‍ എം സുകുമാരന്‍ ഉദ്ഘാടനം ചെയ്യും. കൂത്തുപറമ്പ് സി.ഐ  യു പ്രേമന്‍ മുഖ്യാതിഥിയാകും. തുടര്‍ന്ന് മൂന്നിന് സമൂഹ വിവാഹം നടക്കും. പാണക്കാട് സയ്യിദ് ഹമീദലി ശിഹാബ് തങ്ങള്‍ കാര്‍മികത്വം വഹിക്കും. വൈകുന്നേരം ഏഴിന് വിജ്ഞാന സദസ്സ് ടി.എസ് ഇബ്രാഹിം മുസ്‌ലിയാര്‍ ഉദ്ഘാടനം ചെയ്യും. 'മദീന വിശ്വാസിയുടെ അഭയകേന്ദ്രം' എന്ന വിഷയത്തില്‍ ജലീല്‍ റഹ്മാനി വാണിയന്നൂര്‍ മതപ്രഭാഷണം നടത്തും. രാത്രി 10ന് മാണിയൂര്‍ അഹമ്മദ് മുസ്‌ലിയാരുടെ നേതൃത്വത്തില്‍ സ്വലാത്ത് മജ്‌ലിസ് നടക്കും.