കക്കാട്: ലോകത്ത് ഇന്നു നടക്കുന്ന സര്‍വനാശത്തിനുമുള്ള കാരണം ഖുര്‍ആന്‍ നേരത്തെ വിസ്മരിക്കപ്പെട്ടതാണെന്നു അസ്‌ലം തങ്ങള്‍ അല്‍മഷ്ഹൂര്‍. ജംഇയ്യത്തുല്‍ മുഅല്ലിമീന്‍ കക്കാട് റെയ്ഞ്ച് ദാറുല്‍ ഫുര്‍ഖാന്‍ അക്കാദമിയുടെ മതപ്രഭാഷണ പരമ്പര ഉദ്ഘാടനം ചെയ്യുകയായിരുന്നു അദ്ദേഹം.
ഖുര്‍ആന്‍ മാനവകുലത്തിന്റെ സര്‍വ പ്രശ്‌നങ്ങള്‍ക്കും പരിഹാരമാണെന്നും തങ്ങള്‍ പറഞ്ഞു. മജീദ് ഹാജി അധ്യക്ഷനായി. കുമ്മനം നിസാമുദ്ദീന്‍ അസ്ഹരി മുഖ്യപ്രഭാഷണം നടത്തി. കെ.കെ മുഹമ്മദ് ദാരിമി അരിയില്‍, ഇബ്രാഹിം മൗലവി മടക്കിമല, ജഅഫര്‍ സ്വാദിഖ് അസ്ഹരി, അബ്ദുല്‍റഹ്മാന്‍ അന്‍വരി, സി.ബി ഖാലിദ് ഹാജി, പി.സി അബൂഞ്ഞി ഹാജി, റിയാസ് ശാദുലിപ്പള്ളി, ഹാഷിം ഹാജി, ജംഷീര്‍ ദാരിമി, അബ്ദുല്ല ഹാജി, അബ്ദുല്‍ഗഫൂര്‍ ബാഖവി, ജമാല്‍ ഹാജി, മുഹമ്മദലി വാഫി സംസാരിച്ചു. ഇന്നു മുഹ്‌യിദ്ദീന്‍ ഹുദവി ആലുവ പ്രഭാഷണം നടത്തും. നാളെ മാണിയൂര്‍ അഹ്മദ് മുസ്‌ലിയാര്‍ ദിക്‌റ് ദുആ മജ്‌ലിസിനു നേതൃത്വം നല്‍കും.