ചാവക്കാട്: ചാവക്കാട് പൊലിസ് സ്റ്റേഷനില്‍ വിജിലന്‍സ് സംഘം മിന്നല്‍ പരിശോധന നടത്തി. ഇന്നലെ രാവിലെ 11ഓടെ എത്തിയ വിജിലന്‍സ് സംഘം ഉച്ചതിരിഞ്ഞ് മൂന്നര വരെ പരിശോധന തുടര്‍ന്നു. തൃശൂര്‍ വിജിലന്‍സ് ഡിവൈ.എസ്.പി മാത്യുരാജിന്റെ നേതൃത്വത്തിലുള്ള സംഘമാണ് പരിശോധന നടത്തിയത്.
ഇവര്‍ക്ക് പുറമെ പരിശോധനക്ക് കൊച്ചയില്‍ നിന്നെത്തിയ പ്രത്യേക സംഘവുമുണ്ടായിരുന്നു.
സംസ്ഥാനവ്യാപകമായി പൊലിസ് സ്‌റ്റേഷനുകളില്‍ വിജിലന്‍സ് നടത്തുന്ന പരിശോധനയുടെ ഭാഗമായിട്ടാണ് പരിശോധന. ജില്ലയില്‍ തൃശ്ശൂര്‍ ഈസ്റ്റ്,പുതുക്കാട് സ്‌റ്റേഷനുകളിലും ചൊവ്വാഴ്ച പരിശോധന നടന്നു.